പത്തനംതിട്ട: ശബരിമല സന്നിധാനത്ത് ക്ഷേത്രത്തിന്റെ മുകളിലൂടെ ഹെലികോപ്റ്റര് പറന്നു. വ്യാഴാഴ്ച രാവിലെ 11 മണിയോടെയാണ് കോസ്റ്റ് ഗാഡിന്റെ ഹെലികോപ്റ്റര് സന്നിധാനത്ത് താഴ്ന്ന് പറന്നത്. അതീവ സുരക്ഷാ മേഖലയിലൂടെ ഹെലികോപ്റ്റര് എത്തിയതിനെ പറ്റി പമ്പ പോലിസിന് അറിവുണ്ടായിരുന്നില്ല. സംഭവത്തില് അന്വേഷണം നടത്തി റിപ്പോര്ട്ട് നല്കാന് സ്പെഷ്യല് കമ്മീഷണര് എഡിജിപി എസ് ശ്രീജിത്തിന് നിര്ദ്ദേശം നല്കി.
കോസ്റ്റ് ഗാര്ഡിന്റെ ചേതക് ഹെലികോപ്ടറാണ് ശബരിമലയ്ക്ക് മുകളിലൂടെ പറന്നത്. താഴ്ന്ന് പറന്നത് സാങ്കേതിക പ്രശ്നം നേരിട്ടതിനാലെന്ന് കോസ്റ്റ് ഗാര്ഡ് വൃത്തങ്ങള് വിശദീകരിച്ചു. അന്തരീക്ഷം മേഘാവൃതമായപ്പോള് ദിശ മാറി സഞ്ചരിച്ചതാണെന്ന് കോസ്റ്റ് ഗാര്ഡ് വിശദീകരണം. മേഘങ്ങള് കൂടിയപ്പോള് കാഴ്ച മറഞ്ഞെന്നും അതിനാലാണ് താഴ്ന്ന് പറന്നതെന്നും മറ്റ് പ്രശ്നങ്ങളില്ലെന്നും കോസ്റ്റ് ഗാര്ഡ് വിശദീകരിക്കുന്നു.
SUMMARY: Helicopter flies low over Sabarimala shrine, passes through high security zone; investigation ordered
WhatsApp
Telegram
