സമസ്ത പൊതുപരീക്ഷ; എം.എം എ മദ്രസകൾക്ക് തിളക്കമാർന്ന വിജയം

ബെംഗളൂരു: സമസ്ത മതവിദ്യാഭ്യാസ ബോർഡിന്റെ 5, 7, 10 ക്ലാസുകളിലെ പൊതുപരീക്ഷയിൽ മലബാർ മുസ്‌ലിം അസോസിയേഷനു കീഴിലെ മദ്രസകൾക്കു നൂറുശതമാനം വിജയം. 59 വിദ്യാർഥികൾ പരീക്ഷ എഴുതിയതിൽ 2 പേർക്ക് ടോപ്പ് പ്ലസും 29 പേർക്ക് ഡിസ്റ്റിങ്ഷനും ലഭിച്ചു. ജയനഗർ ഇർശാദുൽ മദ്രസയിലെ 5–ാം ക്ലാസ് വിദ്യാർഥി മുഹമ്മദ് സുഹാൻ (487 മാർക്ക്), ഏഴാം ക്ലാസിലെ പി.ഫാത്തിമ (490 മാർക്ക്) എന്നിവർക്കാണു ടോപ്പ് പ്ലസ്.