ബെംഗളൂരു: ബെംഗളൂരു–തുമക്കൂരു ദേശീയപാതയിലെ പീനിയ മേൽപാലം ഭാരപരിശോധനയ്ക്കായി മെയ് 5 ന് രാവിലെ 5 മുതൽ 8ന് രാവിലെ 11 വരെ അടച്ചിടും. ഈ ദിവസങ്ങളിൽ നെലമംഗല ഭാഗത്ത് നിന്ന് ബെംഗളൂരുവിലേക്ക് വരുന്ന വാഹനങ്ങൾ കെന്നമെറ്റൽ വിഡിയയിൽ നിന്ന് സർവീസ് റോഡിലേക്ക് പ്രവേശിച്ച് എയ്ത്ത് മൈൽ, ദാസറഹള്ളി, ജാലഹള്ളി ക്രോസ്, പീനിയ പൊലീസ് സ്റ്റേഷൻ, എസ്ആർഎസ് ജംക്ഷൻ വഴി ഗോരെഗുണ്ഡപാളയയിലേക്ക് പ്രവേശിക്കണം. ബെംഗളൂരുവിൽ നിന്ന് നെലമംഗല ഭാഗത്തേയ്ക്കുള്ള വാഹനങ്ങൾ സിഎംടിഐയിൽ നിന്ന് സർവീസ് റോഡിൽ പ്രവേശിച്ച് എസ്ആർഎസ് ജംക്ഷൻ, പീനിയ പൊലീസ് സ്റ്റേഷൻ, ജാലഹള്ളി ക്രോസ്, ദാസറഹള്ളി, എയ്ത്ത് മൈൽ, പാർലെ ജി ടോൾ വഴി ദേശീയപാതയിൽ പ്രവേശിക്കണം.
പാലത്തിലെ രണ്ട് തൂണുകൾക്ക് ബലക്ഷയം കണ്ടെത്തിയതിനെ തുടർന്നാണ് അറ്റകുറ്റപ്പണികൾ ആരംഭിച്ചത്. നിലവിൽ ചെറുവാഹനങ്ങൾക്ക് പ്രവേശനം അനുവദിച്ചിട്ടുണ്ടെങ്കിലും ഭാരവാഹനങ്ങൾക്ക് നിരോധനം ഉണ്ട്. ഭാരപരിശോധന പൂർത്തിയാക്കുന്നതോടെ വലിയ വാഹനങ്ങൾക്കടക്കം ഗതാഗതം അനുവദിക്കും.
SUMMARY: Weight test: Peeniya flyover to be closed from 5th to 8th of this month
