കോഴിക്കോട്: വെള്ളയില് ജോസഫ് റോഡില് സ്വകാര്യ പ്രസിന് തീപിടിച്ച് വൻ നാശനഷ്ടം. മെഷീനുകളും പ്രിന്റ് ചെയ്യാനായി എത്തിച്ച വലിയ അളവിലുള്ള കടലാസ് റീലുകളും ബണ്ടിലുകളും ഏറെകുറെ കത്തിനശിച്ചു. ഞായറാഴ്ച ഉച്ചയ്ക്ക് രണ്ടോടെ ‘ റെഡ് സ്റ്റാർ’ പ്രസിനാണ് തീപ്പിടിച്ചത്. നാലുനിലകളുള്ള കെട്ടിടത്തില് താഴത്തെ നിലയിലെ പിൻവശത്താണ് തീപ്പിടിത്തമുണ്ടായത്.
പ്രിന്റിങ് മെഷീനുകള് സ്ഥാപിച്ചിരുന്നതും പേപ്പറുകള് സൂക്ഷിച്ചിരുന്നതും ഇവിടെയായിരുന്നു. ഇലക്ട്രിക് ഉപകരണങ്ങള്ക്ക് പുറമേ നിരവധി ബാറ്ററികളും എട്ടോളം എ.സി. ഔട്ട് ഡോർ യൂണിറ്റുകളും ഉരുകിനശിച്ചു. ഒരു കോടിയുടെ പേപ്പർ റീലുകള് മാത്രം നശിച്ചിട്ടുണ്ട്. തീപ്പിടിത്തത്തിന്റെ കാരണം വ്യക്തമല്ല.
SUMMARY: Fire causes extensive damage to private press in Kozhikode
