ബെംഗളൂരു: മൈസൂരു നഗരത്തിലെ മാനന്തവാടി റോഡ് അടക്കം 12 പ്രധാന റോഡുകള് കോണ്ക്രീറ്റ് റോഡുകളാക്കുന്ന (വൈറ്റ് ടോപ്പിംഗ്) പ്രവൃത്തികള് പുരോഗമിക്കുന്നു. 46.08 കിലോമീറ്റര് റോഡുകള് 393.85 കോടി രൂപ ചെലവിട്ടാണു നവീകരിക്കുന്നത്. റോഡുകള് പെട്ടെന്നു തകരുന്നതിനു പരിഹാരമായാണു ബെംഗളൂരു മാതൃകയില് വൈറ്റ്ടോപ്പിങ് ചെയ്യുന്നത്.
മാനന്തവാടി റോഡിനെ കൂടാതെ ജെഎല്ബി റോഡിലെ സിറ്റി റെയില്വേ സ്റ്റേഷന് സമീപമുള്ള ബാബു ജഗ്ജീവന് റാം സര്ക്കിളില് നിന്ന് യേലെ തോട്ട ജംഗ്ഷന് വരെ 4.39 കിലോമീറ്റര് പാത, ഹുന്സൂര് റോഡിലെ മെട്രോപോള് സര്ക്കിള് മുതല് ഹിങ്കലിനടുത്തുള്ള ഔട്ടര് റിങ് റോഡ് വരെയുള്ള 5.65 കിലോമീറ്റര് പാത, ബൊഗാഡി റോഡ് ഇടനാഴിയില് ബനുമയ്യ കോളേജ് ജംഗ്ഷന്, രാമ വിലാസ് റോഡ്, കുക്കരഹള്ളി ലേക്ക് റെയില്വേ ഗേറ്റ് മുതല് ഔട്ടര് റിംഗ് റോഡ് ജംഗ്ഷന് വരെയുള്ള 6 കിലോമീറ്റര് പാത, കെ.ആര്.എസ് റോഡിലെ ജെ.എല്.ബി റോഡിലെ ദാസപ്പ സര്ക്കിളില് നിന്ന് ആകാശവാണി സര്ക്കിള്, വോണ്ടിക്കൊപ്പല്, മെറ്റഗള്ളി വഴി റിങ് റോഡ് ജംഗ്ഷന് വരെയുള്ള 4.94 കിലോമീറ്റര്, ഇര്വിന് റോഡിലെ കെ.ആര്. ഹോസ്പിറ്റല് സര്ക്കിളില് നിന്ന് സിറ്റി റെയില്വേ സ്റ്റേഷന് വരെ 1.51 കിലോമീറ്റര്, മഹാദേവപുര റോഡിലെ നെക്സസ് സെന്റര് സിറ്റി മുതല് ഔട്ടര് റിങ് റോഡ് ജംഗ്ഷന് വരെ, 3.63 കിലോമീറ്റര്, ജയചാമരാജ വാഡിയാര് സര്ക്കിള് (ഹാര്ഡിംഗെ സര്ക്കിള്) മുതല് കെമ്പെഗൗഡ സര്ക്കിള് (മണിപ്പാല് ആശുപത്രി) സബ്-അര്ബന് ബസ് സ്റ്റാന്ഡ്, ഫൈവ് ലൈറ്റ്സ് സര്ക്കിള്, ഗവണ്മെന്റ് ഗസ്റ്റ് ഹൗസ്, ഫൗണ്ടന് സര്ക്കിള്, എല്ഐസി സര്ക്കിള്, ജെഎസ്എസ് ഡെന്റല് കോളേജ്, മണിപ്പാല് ആശുപത്രി ജംഗ്ഷന് വരെയുള്ള 5.62 കിലോമീറ്റര് പാത, വിശ്വമാനവ ഡബിള് റോഡിലെ കുക്കരഹള്ളി ലേക്ക് ജംഗ്ഷനില് നിന്ന് വിജയ ബാങ്ക് സര്ക്കിള്, രാമകൃഷ്ണ പരമഹംസ സര്ക്കിള് വഴി ഔട്ടര് റിങ് റോഡ് വരെ, 3.34 കിലോമീറ്റര്, സൂ റോഡിലെ നസര്ബാദിലെ വാണിവിലാസ് വനിതാ കോളേജ് ജംഗ്ഷന് മുതല് മാള് ഓഫ് മൈസൂര് ജംഗ്ഷന് വരെ, 1.22 കിലോമീറ്റര് കര്ണാടക പോലീസ് അക്കാദമി ഇടനാഴില് ജയചാമരാജ വാഡിയാര് സര്ക്കിളില് നിന്ന് സിറ്റി പോലീസ് കമ്മീഷണറുടെ ഓഫീസ്, നസര്ബാദ് സര്ക്കിള്, ചാമുണ്ഡി വിഹാര് സ്റ്റേഡിയം, കര്ണാടക പോലീസ് അക്കാദമി, ഗവണ്മെന്റ് ഗസ്റ്റ് ഹൗസ് എന്നിവ ഉള്പ്പെടുന്ന 2.48 കിലോമീറ്റര്, മിനി വിധാന സൗധ റോഡിലെ ജയചാമരാജ വാഡിയാര് സര്ക്കിളില് നിന്ന് സിദ്ധാര്ത്ഥ ഹോട്ടല്, ഛത്രിമാര സര്ക്കിള് വഴി മിനി വിധാന സൗധയിലേക്കുള്ള 0.88 കി.മീ പാത എന്നിവയാണ് വൈറ്റ്ടോപ്പിങ് ചെയ്യുന്നത്.
മാനന്തവാടി റോഡ്, ജെഎല്ബി റോഡ്, ഹുന്സൂര് റോഡ്, ബൊഗാദി റോഡ് എന്നിവിടങ്ങളിലെ പ്രവൃത്തികള് ദസറയ്ക്കു മുന്പു തീര്ക്കാനുള്ള ശ്രമത്തിലാണു പൊതുമരാമത്ത് വകുപ്പ്.
SUMMARY: White topping on 12 roads in Mysuru
