ഇടുക്കി: ഇടുക്കിയില്‍ വി ഡി സതീശന് അനുകൂല പ്രകടനം നടത്തിയ 4 പേരെ ഡിസിസി സസ്പെൻഡ് ചെയ്തു. ഹൈക്കമാൻഡ് നിർദേശം ലംഘിച്ച്‌ പരസ്യമായി പ്രകടനം നടത്തിയെന്ന് ചൂണ്ടിക്കാട്ടിയാണ് നാല് പ്രാദേശിക നേതാക്കളെ പാർട്ടി പദവികളില്‍ നിന്ന് സസ്പെൻഡ് ചെയ്തത്. ഇന്നലെയാണ് വി ഡി സതീശനെ അനുകൂലിച്ച്‌ തൊടുപുഴയില്‍ ഒരു വിഭാഗം പ്രകടനം നടത്തിയത്.
വാട്സാപ്പ് ഗ്രൂപ്പിലൂടെ ആയിരുന്നു പ്രകടനത്തിന് ആഹ്വാനം. ഇതിനെതിരെ ഇടുക്കിയില്‍ നിന്നുള്ള കെപിസിസി ജനറല്‍ സെക്രട്ടറി നിഷ സോമൻ ഡിസിസി വാട്സാപ്പ് ഗ്രൂപ്പില്‍ പ്രതിഷേധം അറിയിച്ചു. പിന്നാലെ ഡിസിസി ജനറല്‍ സെക്രട്ടറി വി. ഇ താജുദ്ദീൻ, വെസ്റ്റ് മണ്ഡലം പ്രസിഡണ്ട് രാജേഷ് ബാബു, കർഷക തൊഴിലാളി ഫെഡറേഷന് സംസ്ഥാന സെക്രട്ടറി ജോയ് മൈലാടി, തൊടുപുഴ ബ്ലോക്ക് സെക്രട്ടറി റോബിൻ മൈലാടി എന്നിവരെ പദവികളില്‍ നിന്ന് ഡിസിസി നീക്കം ചെയ്തത്.
സംഘടനാ വിരുദ്ധ പ്രവർത്തനം നടത്തിയെന്നാണ് ഡിസിസിയുടെ വിശദീകരണം. നടപടികള്‍ക്കിടയിലും നേതാക്കളെ പിന്തുണച്ചുള്ള ഫ്ലക്സ് യുദ്ധം ഇടുക്കിയില്‍ തുടരുകയാണ്. അടിമാലിയിലും മാങ്കുളത്തും കട്ടപ്പനയിലും രമേശ് ചെന്നിത്തിലക്ക് അഭിനന്ദനങ്ങള്‍ അർപ്പിച്ച്‌ ഫ്ലക്സ് ബോർഡുകള്‍ പ്രത്യക്ഷപ്പെട്ടു.
SUMMARY: Action taken against Idukki DCC for supporting VD Satheesan; Four people removed from their posts
