ബെംഗളൂരു: ബെംഗളൂരുവില്‍ മേയ് 14 വരെ ഇടിമിന്നലോടുകൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ (ഐഎംഡി) മുന്നറിയിപ്പ്. കാറ്റോടുകൂടിയ വ്യാപക മഴയാണ് ലഭിക്കുക. മേയ് 12 മുതല്‍ 14 വരെയാണ് ശക്തമായ മഴയ്ക്ക് സാധ്യത. വൈകുന്നേരങ്ങളിലും രാത്രി സമയങ്ങളിലുമായിരിക്കും മഴ കൂടുതല്‍ സജീവമാകുയെന്നും മുന്നറിയിപ്പില്‍ പറയുന്നു.
സംസ്ഥാനത്തിന്റെ മറ്റു ഭാഗങ്ങളിലും ഇടിമിന്നലോടു കൂടിയ മഴയ്ക്കും മിന്നലിനും സാധ്യതയുണ്ട്. തീരദേശ കർണാടക, വടക്കൻ ഉൾനാടൻ കർണാടക, തെക്കൻ ഉൾനാടൻ കർണാടക എന്നിവിടങ്ങളിൽ മെയ് 14 വരെ മഴയ്ക്ക് സാധ്യതയുണ്ടെന്നും മുന്നറിയിപ്പില്‍ പറയുന്നു.
SUMMARY: Heavy rains likely in Bengaluru till May 14
