തിരുവനന്തപുരം: കാവൽ മുഖ്യമന്ത്രി പിണറായി വിജയൻ വാടക വീട്ടിലേക്ക്. തിരുവനന്തപുരത്ത് വാടക വീട് എടുത്തു. ബേക്കറി ജംഗ്ഷനിലാണ് വാടക വീടെടുത്തത്. ഡൽഹിയിൽ നിന്ന് മടങ്ങി എത്തിയാൽ താമസിക്കുക ഈ വീട്ടിലായിരിക്കും. പ്രതിപക്ഷ നേതാവ് ആരെന്നതിൽ ചർച്ച നടക്കുന്നതിനിടെയാണ് നീക്കം. ക്ലിഫ് ഹൗസിൽ നിന്നും സാധനങ്ങൾ വാടക വീട്ടിലേക്ക് മാറ്റി. തിരഞ്ഞെടുപ്പ് ഫലം വന്നതിന് പിന്നാലെ ക്ലിഫ് ഹൗസിൽ നിന്നും മാറിയ അദ്ദേഹം താത്കാലികമായി ‘ചിന്ത’ ഫ്ലാറ്റിലായിരുന്നു താമസിച്ചിരുന്നത്. എന്നാൽ ഇപ്പോൾ കുടുംബസമേതം താമസിക്കാൻ സൗകര്യമുള്ള പുതിയൊരു വാടക വീട് നഗരത്തിൽ തന്നെ അദ്ദേഹം കണ്ടെത്തിയിരിക്കുകയാണ്.
കേരളത്തിൽ കോൺഗ്രസ് നേതൃത്വത്തിലുള്ള പുതിയ സർക്കാർ രൂപീകരിക്കുന്നതിലെ കാലതാമസം കാരണം പിണറായി വിജയൻ ഇപ്പോഴും ‘കാവൽ മുഖ്യമന്ത്രി’ ആയി തുടരുകയാണ്. എങ്കിലും ഔദ്യോഗിക വസതി നേരത്തെ തന്നെ അദ്ദേഹം ഒഴിഞ്ഞിരുന്നു. നിയമസഭയിൽ പ്രതിപക്ഷ നേതാവിന്റെ ചുമതല അദ്ദേഹം ഏറ്റെടുക്കുമോ എന്ന കാര്യത്തിൽ ഇപ്പോഴും അനിശ്ചിതത്വം നിലനിൽക്കുന്നുണ്ട്. ഡൽഹിയിൽ നടന്ന പിബി യോഗത്തിൽ ഇക്കാര്യം ചർച്ചയായെങ്കിലും ഔദ്യോഗിക പ്രഖ്യാപനം ഉണ്ടായിട്ടില്ല.
SUMMARY: Vijayan shifted to a new rented house in the capital and became a Pinarayi.
