കുതിപ്പ് തുടര്‍ന്ന് സ്വര്‍ണവില

തിരുവനന്തപുരം: ആഗോള വിപണിയിലെ ചലനങ്ങള്‍ക്ക് പിന്നാലെ സംസ്ഥാനത്ത് ഇന്നും സ്വർണവിലയില്‍ വൻ വർധനവ് രേഖപ്പെടുത്തി. ഇന്ന് കേരളത്തില്‍ ഒരു ഗ്രാം സ്വർണത്തിന് 45 രൂപയും ഒരു പവൻ സ്വർണത്തിന് 360 രൂപയുമാണ് വർധിച്ചിരിക്കുന്നത്. ഇതോടെ ഒരു പവൻ സ്വർണത്തിന്റെ വില 1,17,280 രൂപയായി ഉയർന്നു.

ഒരു ഗ്രാം സ്വർണത്തിന്റെ ഇന്നത്തെ വിപണി വില 14,660 രൂപയാണ്. രാജ്യാന്തര വിപണിയില്‍ സുരക്ഷിത നിക്ഷേപമെന്ന നിലയില്‍ സ്വർണത്തിലേക്ക് നിക്ഷേപകർ കൂട്ടത്തോടെ എത്തുന്നതും പശ്ചിമേഷ്യൻ മേഖലയിലെ ഭൗമരാഷ്ട്രീയ സംഘർഷങ്ങളുമാണ് ആഭ്യന്തര വിപണിയിലും സ്വർണവില കുത്തനെ ഉയരാൻ കാരണമായി വിദഗ്ദ്ധർ ചൂണ്ടിക്കാണിക്കുന്നത്.

SUMMARY: Gold rate is increased