ബെംഗളൂരു: നീറ്റ് പരീക്ഷാ ചോദ്യപ്പേപ്പർ ചോർച്ചയിൽ കുറ്റക്കാർക്കെതിരെ കർശന നടപടി സ്വീകരിക്കണമെന്നാവശ്യപ്പെട്ട് എസ്എസ്എഫ് ബെംഗളൂരു ജില്ലാ കമ്മിറ്റിയുടെ നേതൃത്വത്തിൽ ഫ്രീഡം പാർക്കിലേക്ക് പ്രതിഷേധ റാലി നടത്തി. വിദ്യാർഥികളുടെ ഭാവിയെ തകർക്കുന്ന തരത്തിൽ നടന്ന ചോദ്യപേപ്പർ ചോർച്ചക്കെതിരെ പ്രതിഷേധത്തിൽ ശക്തമായപ്രതിഷേധമുയർന്നു.
പരീക്ഷാ സംവിധാനത്തിലേക്കുള്ള വിദ്യാർഥികളുടെ വിശ്വാസം തകർക്കുന്ന ഇത്തരം സംഭവങ്ങൾ ഇനി ആവർത്തിക്കാതിരിക്കാൻ കർശന നടപടി സ്വീകരിക്കണമെന്ന് നേതാക്കൾ ആവശ്യപ്പെട്ടു. നിരവധി വിദ്യാർത്ഥികൾ പ്രതിഷേധത്തിൽ പങ്കെടുത്തു.
എസ് എസ് എഫ് ബെംഗളൂരു ജില്ല ജനറൽ സെക്രട്ടറി അൽത്താഫ് അലി, എസ്.എം.എ ജനറൽ സെക്രട്ടി അബ്ദുൽ റഹ്മാൻ ഹാജി, ഷഫീഖ് ശിവാജിനഗർ, അഡ്വ. ബദ്റുദ്ദീൻ മജസ്റ്റിക്, എസ് എസ് എഫ് ബെംഗളൂരു ജില്ലാ വെഫി സെക്രട്ടറി ഷംസു ഗാൻജാൽ, ശാഫി സഹദി മജസ്റ്റിക് എന്നിവർ സംസാരിച്ചു.
