ബെംഗളൂരു: രമാ പിഷാരടി രചിച്ച ‘ലാപാജെരിയ’ എന്ന കഥാസമാഹാരത്തിന്റെ ചർച്ചയും നാടകാവതരണവും മെയ് 31 രാവിലെ 10 മുതൽ ഇന്ദിരാനഗർ റോട്ടറി ഹാളിൽ നടക്കും. പ്രശസ്ത നിരൂപകയായ ഡോ. മിനി പ്രസാദ് മുഖ്യപ്രഭാഷണം നിർവ്വഹിക്കും. കേന്ദ്രസാഹിത്യ അക്കാദമി അവാർഡ് ജേതാവ് സുധാകരൻ രാമന്തളി ഉദ്ഘാടനം ചെയ്യും. കെ ആർ കിഷോർ പുസ്തകചർച്ച ഉദ്ഘാടനം ചെയ്യും. ബെംഗളൂരുവിലെ എഴുത്തുകാരായ കെ കവിതയെയും, വി ആർ ഹർഷനെയും ചടങ്ങിൽ ആദരിക്കും.
കഥാസമാഹാരത്തിലെ നാല് കഥകളുടെ ‘കോപ്പിഹ്യൂ’ എന്ന നാടാകവതരണം അനിൽ തിരുമംഗലത്തിൻ്റെ നേതൃത്വത്തിൽ നടക്കും. മലയാളം \ മിഷൻ കര്‍ണാടക ചാപ്റ്റർ പ്രസിഡൻ്റ് കെ കെ ദാമോദരന്‍, റൈറ്റേഴ്സ് ഫോറം സെക്രട്ടറി ശാന്തകുമാർ, അനിൽ മിത്രാനന്ദപുരം, കെ ടി നന്ദകുമാര്‍, ശ്രീദേവി ഗോപാല്‍, കെ ടി ബ്രിജി, നവീൻ എസ്, ഡോ. പ്രേംരാജ് കെ കെ, വല്ലപ്പുഴ ചന്ദ്രശേഖരൻ, ഡോ എം എൻ ആർ നായർ, കെ എൻ ലത, എസ് കെ നായർ, ലാലി രംഗനാഥൻ, ശ്രീലതാ മധു പയ്യന്നൂർ, മുഹമ്മദ് കുനിങ്ങാട്, ജെസ്സി ജോൺ, മീര നാരായണൻ എന്നിവര്‍ പങ്കെടുക്കും.
കവിയും ജ്ഞാനപീഠ ജേതാവുമായിരുന്ന ഒഎൻവി കുറുപ്പിന് ജന്മദിന സ്മൃതിസമർപ്പണമായി ബാംഗ്ളൂർ കവിക്കൂട്ടം അവതരിപ്പിക്കുന്ന കവിയരങ്ങും ഉണ്ടായിരിക്കും. കവിയരങ്ങിൽ കവികളായ ഡോ ടി പി വിനോദ്, ഇന്ദിരാബാലൻ, ഡോ കെ കെ സുധ, സിന കെ എസ്, ബിന്ദു പി മേനോൻ, വിന്നി ഗംഗാധരൻ, നീതു കുറ്റിമാക്കൽ എന്നിവർ പങ്കെടുക്കും. സഹിതം, ലോക് ഡൗൺ ആർട്ട് വർക്സ്, ബാംഗ്ളൂർ കവിക്കൂട്ടം എന്നീ കൂട്ടായ്മകൾ സംയുക്തമായി അവതരിപ്പിക്കുന്ന പരിപാടിയിൽ സാഹിത്യ, സാംസ്കാരിക രംഗത്തെ പ്രമുഖർ പങ്കെടുക്കും. ഫോണ്‍: 9071360206,9663985928
