ബെംഗളൂരു: ദ്രാവിഡ ഭാഷാ ട്രാന്‍സ്ലേറ്റേഴ്‌സ് അസോസിയേഷനും (ഡിബിടിഎ) തൊദല്‍നുടി കന്നഡ ബാലസാഹിത്യ മാസികയും സംയുക്തമായി സംഘടിപ്പിക്കുന്ന പഞ്ച ദ്രാവിഡ ഭാഷാ കവി സംഗമം ജൂണ്‍ 14-ന് രാവിലെ 10 മണിക്ക് വൈറ്റ്ഫീല്‍ഡിലെ ശ്രീ സരസ്വതി എജ്യുക്കേഷന്‍ ട്രസ്റ്റില്‍ നടക്കും.കന്നഡ, മലയാളം, തമിഴ്, തെലുങ്ക്, തുളു എന്നീ അഞ്ച് ദ്രാവിഡ ഭാഷകളെ പ്രതിനിധീകരിച്ച് അമ്പതോളം പ്രമുഖ കവികള്‍ കവിതകള്‍ അവതരിപ്പിക്കും.
ഡോ. സുഷമാ ശങ്കറിന്റെ അധ്യക്ഷത വഹിക്കും. സംഗമത്തില്‍ കുട്ടികളുടെ കന്നഡ സാഹിത്യ മാസിക തൊദല്‍നുടിയുടെ 13-ാമത് വാര്‍ഷിക പതിപ്പും പ്രകാശനം ചെയ്യും.
പ്രശസ്ത കന്നഡ കവി എച്ച്. ഡുന്‍ഡിരാജ് കവി സമ്മേളനം ഉദ്ഘാടനം ചെയ്യും. തമിഴ് കവയിത്രി ഡോ. വടിവുസഹായം മുഖ്യാതിഥിയായിരിക്കും.
ഡി.ബി.ടി.എ ഉപദേഷ്ടാവ് ഡോ.ന. ദാമോദരശെട്ടി തൊദല്‍നുടി വാര്‍ഷിക പതിപ്പ് പ്രകാശനം ചെയ്യും. സെക്രട്ടറ .കെ.പ്രഭാകരന്‍, വൈസ് പ്രസിഡന്റ് ഡോ.ബി.എസ് ശിവകുമാര്‍, പ്രൊഫ. രാകേഷ്, റെബിന്‍ രവീന്ദ്രന്‍, ജോയിന്റ് സെക്രട്ടറി ഡോ.മലര്‍വിളി, മായാ.ബി.നായര്‍, ഡോ.മാല്യാദ്രി എന്നിവര്‍ പങ്കെടുക്കും.
SUMMARY: Pancha Dravidian Language Poets’ Gathering and Todalnudi Annual Edition Release
