ബെംഗളൂരു: എസ്എൻഡിപി യോഗം ബെംഗളൂരു യൂണിയന്റെ സിൽവർ ജൂബിലി ആഘോഷത്തിന്റെ ഭാഗമായി എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശന് സ്വീകരണം ഒരുക്കും. ജൂണ് 28 ന് ജെപി ഫോർച്യൂൺ ഹോട്ടലിൽ വൈകുന്നേരം മൂന്ന് മണിക്ക് നടക്കുന്ന പരിപാടിയില് യൂണിയന് പ്രസിഡണ്ട് എൻ ആനന്ദൻ അധ്യക്ഷത വഹിക്കും. യൂണിയൻ സെക്രട്ടറി അഡ്വ. സത്യൻ പുത്തൂര് റിപ്പോർട്ടും വരവ് ചിലവ് കണക്കകളും അവതരിപ്പിക്കും. തുടര്ന്നു നടക്കുന്ന ചടങ്ങില് വെള്ളാപ്പള്ളി നടേശനെ വിവിധ ശാഖകളുടെ നേതൃത്വത്തിൽ ആദരിക്കും.
യോഗം പ്രസിഡന്റ് എൻ. സോമൻ, യോഗം വൈസ് പ്രസിഡന്റ് തുഷാർ വെള്ളാപ്പള്ളി,, ദേവസ്വം സെക്രട്ടറി സന്തോഷ് അരയക്കണ്ടി, ബോർഡ് അംഗങ്ങൾ, യൂണിയൻ അംഗം എ ആർ രാജേന്ദ്രൻ, വൈസ് പ്രസിഡണ്ട് എൻ വത്സൻ എന്നിവർ പങ്കെടുക്കും.
SUMMARY: SNDP Bengaluru Union Silver Jubilee Celebrations on 28th; Padma Bhushan winner Vellappally Natesan to be felicitated
