കൊച്ചി: ഗായിക, സംഗീത സംവിധായിക എന്നീ നിലകളില് പ്രശസ്തയായ ഗൗരി ലക്ഷ്മി വിവാഹിതയായി. വിഷ്വല് ആര്ട്ടിസ്റ്റ് ആയ കലേഷ് ഗോവിന്ദന് ആണ് വരന്. ഗൗരിയും കലേഷും സോഷ്യല് മീഡിയയിലൂടെ ചിത്രങ്ങള് പങ്കുവച്ചുകൊണ്ടാണ് വിവാഹക്കാര്യം അറിയിച്ചിരിക്കുന്നത്. നിരവധി പേരാണ് ഇരുവര്ക്കും ആശംകള് നേര്ന്നുകൊണ്ട് സോഷ്യല് മീഡിയയില് എത്തിയിരിക്കുന്നത്.
വേറിട്ട ശബ്ദം കൊണ്ടും പാട്ടുകളിലെ ശക്തമായ തീമുകള് കൊണ്ടും സംഗീത പ്രേമികളുടെ മനസില് ഇടം നേടിയ ഗായികയാണ് ഗൗരി ലക്ഷ്മി. ചുരുങ്ങിയ കാലം കൊണ്ട് ഒട്ടേറെ സംഗീത ഷോകള് ചെയ്യാൻ ഗൗരിയ്ക്കായി. ഗൗരി പാടിയ അജിത ഹരേ ജയ എന്ന ഗാനം ഒരു സമയം സോഷ്യല് മീഡിയയില് ട്രെൻഡിംഗില് ആയിരുന്നു. പതിമൂന്നാം വയസ്സില് ‘കാസനോവ’ എന്ന മലയാള സിനിമയ്ക്കു വേണ്ടി ഗാനം രചിച്ചുകൊണ്ട് സിനിമാ ജീവിതം ആരംഭിച്ച താരമാണ് ഗൗരി ലക്ഷ്മി.
‘ഗോദ’ സിനിമയിലെ ‘ആരോ നെഞ്ചില്’ എന്ന ഗാനവും വലിയ പ്രേക്ഷക പ്രീതി നേടിയിരുന്നു. സ്വതന്ത്ര സംഗീത ആല്ബങ്ങളിലൂടെയും ഗൗരി ലക്ഷ്മി ശ്രദ്ധനേടി. ഗൗരി ലക്ഷ്മി ആലപിച്ച് 2024ല് പുറത്തിറങ്ങിയ ‘എന്റെ പേര് പെണ്ണ്’ എന്ന് തുടങ്ങുന്ന ഗാനം സമൂഹമാധ്യമങ്ങളില് വലിയ ചർച്ചകള്ക്ക് വഴിവച്ചിരുന്നു. ഗൗരി അടുത്തിടെ പുറത്തിറക്കിയ ‘ഹരിവരാസനം’ ഗാനത്തിന്റെ കവർ വേർഷനും ചർച്ചയായിരുന്നു. കാളി എന്ന ഗാനവും സോഷ്യല് മീഡിയയില് ശ്രദ്ധേയമായിരുന്നു.
SUMMARY: Singer Gauri Lakshmi gets married; groom Kalesh Govindan
