ദുബായ്: ഖത്തറിലെ പ്രധാന പ്രകൃതിവാതക പ്ലാന്റിൽ വൻ സ്ഫോടനത്തെത്തുടർന്നുണ്ടായ തീപിടിത്തത്തിൽ ഇന്ത്യക്കാരടക്കം 13 പേർ മരിച്ചു. 66 പേർക്ക് പരുക്കേറ്റതായി ആഭ്യന്തര മന്ത്രാലയം സ്ഥിരീകരിച്ചു. അപകടത്തിൽ 18 പേരെ കാണാതായതായും ഇവർക്കായുള്ള വിപുലമായ തിരച്ചിൽ പുരോഗമിക്കുകയാണെന്നും മന്ത്രാലയം അറിയിച്ചു. ഇറാൻ ആക്രമണത്തിനു പിന്നാലെ അടച്ചിട്ട പ്ലാന്റിൽ ഞായറാഴ്ച രാത്രി പ്രവർത്തനം പുനരാരംഭിക്കാനുള്ള തൊഴിലാളികളുടെ ശ്രമത്തിനിടെയാണ് ദുരന്തമുണ്ടായത്. ലോകത്തിലെ ഏറ്റവും വലിയ എൽഎൻജി പ്ലാന്റാണിത്.
54 INJURED, 18 STILL MISSING after MUSHROOM CLOUD-LIKE BLAST rocks Qatar's gas export hub — AP pic.twitter.com/jO45NwY1L3
— RT (@RT_com) June 22, 2026
ഞായറാഴ്ച രാത്രി 10.45 ഓടെയാണ് ഉഗ്ര ശബ്ദത്തോടെ റാസ് ലഫാൻ ഇൻഡസ്ട്രിയൽ സിറ്റിയിലെ ഫാക്ടറിയിൽ സ്ഫോടനം ഉണ്ടായത്. ഇറാന് ബോംബ് ആക്രമണത്തെത്തുടര്ന്ന് പ്ലാന്റിന്റെ പ്രവര്ത്തനം നിര്ത്തിവെച്ചിരുന്നു. ഞായറാഴ്ച തൊഴിലാളികള് പ്ലാന്റിന്റെ പ്രവര്ത്തനം പുനരാരംഭിക്കാന് ശ്രമിച്ചപ്പോഴാണ് സ്ഫോടനമുണ്ടായത്. യുദ്ധം സ്ഥിരമായി അവസാനിപ്പിക്കുന്നതിനുള്ള ചര്ച്ചകള് തുടരുന്നതിനിടെ, ഹോര്മൂസ് കടലിടുക്കിലെ സംഘര്ഷം അയഞ്ഞതോടെയാണ്, കയറ്റുമതി ടെര്മിനല് പ്രവര്ത്തനം പുനരാരംഭിക്കാനുള്ള ശ്രമം ഖത്തര് ആരംഭിച്ചത്.
SUMMARY: Qatar gas plant explosion: 13 people including Indians killed, 66 injured
