ബെംഗളൂരു ബെംഗളൂരു നമ്മ മെട്രോ പർപ്പിൾ ലൈനില് സാങ്കേതിക പ്രശ്നത്തെ തുടര്ന്നു സർവീസ് മുടങ്ങി. ചൊവ്വാഴ്ച വൈകീട്ട് വൈകിട്ട് 6.32 ന് കബ്ബൺ പാർക്ക് മെട്രോ സ്റ്റേഷനിലെത്തിയ ട്രെയിനിന്റെ പ്രവർത്തനത്തിനാണ് തടസ്സം നേരിട്ടത്. ഇതേത്തുടർന്ന് എം.ജി. റോഡ് മുതൽ മാഗഡി റോഡു വരെയുള്ള ഭാഗത്തെ ഗതാഗതം നിർത്തിവെച്ചു. എം.ജി. റോഡു മുതൽ വൈറ്റ്ഫീൽഡ് വരെയും മാഗഡി റോഡ് മുതൽ ചല്ലഘട്ട വരെയുമാണ് സർവീസ് നടത്തിയത്. തിരക്ക് ഏറ്റവും കൂടുതലുള്ള സമയത്ത് സർവീസ് മുടങ്ങിയത് യാത്രക്കാരുടെ ദുരിതം ഇരട്ടിപ്പിച്ചു. കബൺ പാർക്ക്, മജസ്റ്റിക്, എം.ജി. റോഡ് തുടങ്ങിയ നഗര ഹൃദയത്തിലുള്ള സ്റ്റേഷനുകളിൽ യാത്രക്കാർ ഏറെ നേരം കാത്തിരിക്കേണ്ടിവന്നു.
SUMMARY: Technical glitch: Service disrupted on Namma Metro Purple Line
