ബെംഗളൂരു: മാണ്ഡ്യ മലവള്ളി താലൂക്കിലെ ജവനഗഹള്ളി കുന്നിനുസമീപം ആളൊഴി ഞ്ഞ പറമ്പിൽ കത്തിക്കരിഞ്ഞ നിലയില് യുവതിയുടെ മൃതദേഹം കണ്ടെത്തി. 18 വയസ്സുതോന്നിക്കുന്ന യുവതിയുടെ മൃതദേഹമാണ് കണ്ടെത്തിയത്. വ്യാഴാഴ്ച വൈകീട്ട് പരിസരത്തുനിന്നു രൂക്ഷ ഗന്ധം വന്നതിനെ തുടര്ന്നു നാട്ടുകാർ നടത്തിയ തിരച്ചലിലാണ് മൃതദേഹം കണ്ടത്.
കൊല്ലപ്പെട്ടത് ആരെന്ന് തിരിച്ചറിഞ്ഞിട്ടില്ല. തൊട്ടടുത്ത് ഉപേക്ഷിക്കപ്പെട്ട കന്നാസിൽ നിന്ന് അല്പം പെട്രോളും കണ്ടെത്തി. കുറ്റവാളികൾ മറ്റൊരിടത്ത് കൊലപാതകം നടത്തി മൃതദേഹം ഇവിടെ കൊണ്ടുതള്ളിയ താകാമെന്ന് പോലീസ് അറിയിച്ചു.
മാണ്ഡ്യ എസ്പി വിജെ ശോഭാറാണി, മലവള്ളി ഡിഎസ്പി യശ്വന്ത് കുമാർ, സർക്കിൾ ഇൻസ്പെക്ടർ ബിഎസ് ശ്രീധർ എന്നിവർ സംഭവസ്ഥലം സന്ദർശിച്ച് സ്ഥലം പരിശോധിച്ചു. ഇൻക്വസ്റ്റിനുശേഷം മൃതദേഹം പോസ്റ്റ്മോർട്ടത്തിനായി മലവള്ളി പബ്ലിക് ആശുപത്രി മോർച്ചറിയിലേക്ക് മാറ്റി. ബേലകവാടി പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്, കൂടുതൽ അന്വേഷണം നടക്കുന്നു.
SUMMARY: The burnt body of the woman
