തിരുവനന്തപുരം: വീര്യം കുറഞ്ഞ മദ്യത്തിന് നികുതി ഇളവ് നല്‍കാനുള്ള സർക്കാർ തീരുമാനത്തെ ന്യായീകരിച്ച്‌ മന്ത്രി കെ. മുരളീധരൻ. വീര്യം കുറഞ്ഞ മദ്യത്തിനാണ് നികുതി കുറച്ചത്, വീര്യം കൂടിയതിനല്ലല്ലോ എന്ന് മന്ത്രി പ്രതികരിച്ചു. സർക്കാരിന്റെ ഉദ്ദേശം സദുദ്ദേശപരമാണെന്ന് കെ. മുരളീധരൻ ആവർത്തിച്ചു.
ബജറ്റ് നിർദേശം ധനബില്ലില്‍ ഉള്‍പ്പെടുത്തി തന്നെ മുന്നോട്ട് പോകും. ബില്‍ പാസായാല്‍ നടപ്പിലാക്കുന്ന കാര്യത്തില്‍ യുഡിഎഫുമായി ചർച്ച നടത്തി അന്തിമ തീരുമാനമെടുക്കുമെന്നും കെ. മുരളീധരൻ വ്യക്തമാക്കി. സമ്പൂർണ മദ്യനിരോധനത്തിലേക്ക് എത്താനുള്ള സാഹചര്യം നിലവില്‍ കേരളത്തിലില്ലെന്നും അദ്ദേഹം കൂട്ടിച്ചേർത്തു.
ശബരിമല സ്വർണക്കൊള്ള കേസില്‍ എസ്‌ഐടി റിപ്പോർട്ടിന്റെ അടിസ്ഥാനത്തില്‍ കർശന നടപടി സ്വീകരിക്കുമെന്നും മുരളീധരൻ ഉറപ്പുനല്‍കി. സ്വർണക്കൊള്ളയെക്കുറിച്ച്‌ വിമർശിക്കുന്നവർ അയോധ്യയിലെ സ്വർണാഭരണ മോഷണത്തെക്കുറിച്ച്‌ കൂടി പ്രതികരിക്കണമെന്ന് അദ്ദേഹം ആവശ്യപ്പെട്ടു.
സംസ്ഥാനത്തെ പകർച്ചവ്യാധി വ്യാപനം നിയന്ത്രണവിധേയമാണ്. ഷിഗെല്ല കേസുകള്‍ കുറയുന്നുണ്ടെന്നും മന്ത്രി അറിയിച്ചു. ഡെങ്കിപ്പനി ഭീഷണിയും നിയന്ത്രണത്തിലാണ്. മഴ കനക്കുന്ന സാഹചര്യത്തില്‍ മാലിന്യ നിർമാർജനം പ്രധാനമാണെന്ന് മന്ത്രി പറഞ്ഞു. ബോധവല്‍ക്കരണത്തിനായി മറ്റന്നാള്‍ തിരുവനന്തപുരത്ത് മന്ത്രിമാരുടെ നേതൃത്വത്തില്‍ സംയുക്ത പ്രതിജ്ഞാ പരിപാടി സംഘടിപ്പിക്കുമെന്നും കെ മുരളീധരൻ അറിയിച്ചു.
SUMMARY: Minister K. Muraleedharan clarifies his stance on liquor tax reform
