ഡൽഹി: ഓണം പ്രമാണിച്ച്‌ കേരളത്തിലേക്ക് 100 അധിക ട്രെയിൻ സർവീസുകള്‍ അനുവദിക്കുമെന്ന് റെയില്‍വേ മന്ത്രി അശ്വിനി വൈഷ്ണവ് വ്യക്തമാക്കി. ഉത്സവകാലത്തെ കടുത്ത യാത്രാതിരക്ക് പരിഗണിച്ചാണ് റെയില്‍വേയുടെ ഈ സുപ്രധാന തീരുമാനം. ഓഗസ്റ്റില്‍ നടക്കുന്ന ഓണാഘോഷങ്ങള്‍ക്കായി നാട്ടിലേക്ക് മടങ്ങാൻ കാത്തിരിക്കുന്ന ലക്ഷക്കണക്കിന് മലയാളികള്‍ക്ക് ഏറെ ആശ്വാസം നല്‍കുന്ന പ്രഖ്യാപനമാണിത്.
വരാനിരിക്കുന്ന പ്രത്യേക ട്രെയിനുകളുടെ സമയവിവരങ്ങള്‍, റൂട്ടുകള്‍, സ്റ്റോപ്പുകള്‍ എന്നിവയടങ്ങുന്ന വിശദമായ പട്ടിക റെയില്‍വേ അധികൃതർ ഉടൻ പുറത്തുവിടും. നാന്ദേഡ്-മുംബൈ, തനക്പുർ-നാന്ദേഡ് എക്സ്പ്രസ് ട്രെയിനുകള്‍ ഫ്ലാഗ് ഓഫ് ചെയ്യുന്ന ചടങ്ങിലാണ് മന്ത്രി ഈ പ്രഖ്യാപനം നടത്തിയത്.
പുരി ജഗന്നാഥ രഥയാത്രയുടെ മുന്നൊരുക്കങ്ങള്‍ വിലയിരുത്താനായി ഒഡീഷയിലുള്ള മന്ത്രി, റെയില്‍ സദനില്‍ നിന്ന് വിഡിയോ കോണ്‍ഫറൻസിങ് വഴിയാണ് പുതിയ സർവീസുകള്‍ ഉദ്ഘാടനം ചെയ്തത്. ജഗന്നാഥ രഥയാത്രയ്ക്കായി മുന്നൂറിലധികം പ്രത്യേക ട്രെയിനുകള്‍ സർവീസ് നടത്തുമെന്നും അദ്ദേഹം ഇതോടൊപ്പം കൂട്ടിച്ചേർത്തു.
SUMMARY: 100 trains to Kerala for Onam; Minister Ashwini Vaishnaw makes the announcement
