ഡല്ഹി: ഡല്ഹിയില് കാണാതായ മലയാളി വിദ്യാർഥിനിയെ കണ്ടെത്തി. ജാമിഅ മില്ലിയ്യ സർവകലാശാലയിലെ അഫിയ അയ്യൂബിനെയാണ് കാണാതായതിനെ തുടർന്ന് നടത്തിയ തിരച്ചിലില് കണ്ടെത്തിയത്. ചൊവ്വാഴ്ച രാത്രി മുതലാണ് തിരുവനന്തപുരം സ്വദേശിനിയായ 23 കാരിയെ കാണാതായത്. സംഭവത്തില് പോലീസ് അന്വേഷണം ആരംഭിച്ചിരുന്നു.
രാത്രി 11 മണിയോടെ മരുന്ന് വാങ്ങാനായി താമസസ്ഥലമായ ഓഖ്ലയില് നിന്ന് പുറത്തുപോയതായിരുന്നു. മൊബൈല് ഫോണ് ഹോസ്റ്റല് മുറിയില് വെച്ചാണ് വിദ്യാർഥിനി പുറത്തുപോയത്. ഏറെ നേരമായിട്ടും തിരികെ വരാത്തതിനെ തുടർന്ന് സഹപാഠികളും അധ്യാപകരും ചേർന്ന് പോലീസില് പരാതി നല്കുകയായിരുന്നു. നൂറിലധികം സിസിടിവി ദൃശ്യങ്ങള് കേന്ദ്രീകരിച്ച് നടത്തിയ പരിശോധനയിലാണ് പെണ്കുട്ടിയെ കണ്ടെത്തിയത്.
SUMMARY: Malayali female student who went missing in Delhi found
