ബെംഗളൂരു: മൈസൂരു ഹുൻസൂർ ന്യൂ മാരുതി ലേഔട്ടിൽ ഭാര്യയെയും രണ്ട് മക്കളെയും കൊലപ്പെടുത്തിയശേഷം ഭർത്താവിനെ ജീവനൊടുക്കിയ നിലയിൽ കണ്ടെത്തി. ഹരീഷ് (42), ഭാര്യ രൂപ (36), മക്കളായ ഹേമന്ത് (12), ഹർഷിത (8) എന്നിവരാണ് മരിച്ചത്.
മരണത്തിന് മുമ്പ് ഹരീഷ് തന്റെ അമ്മയെ ബന്ധുവീട്ടിലേക്ക് അയച്ചിരുന്നതായി അന്വേഷണത്തിൽ വ്യക്തമായിട്ടുണ്ട്. പിന്നീട് വീട്ടിലെ മുകളിലത്തെ നിലയിലെ മുറിയിൽ ഹരീഷിനെ മരിച്ച നിലയിൽ കണ്ടെത്തുകയായിരുന്നു. സംഭവസ്ഥലത്ത് നിന്ന് ഒരു മരണക്കുറിപ്പും ലഭിച്ചിട്ടുണ്ട്. വിവരമറിഞ്ഞ് ജില്ലാ പോലീസ് മേധാവിയുടെ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തി. നാല് മൃതദേഹങ്ങളും പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.
കുടുംബപ്രശ്നമാണോ മറ്റ് കാരണങ്ങളാണോ സംഭവത്തിന് പിന്നിലെന്നത് ഉൾപ്പെടെ എല്ലാ വശങ്ങളും പരിശോധിച്ചുവരികയാണ്. സംഭവത്തിൽ കൂടുതൽ അന്വേഷണം തുടരുകയാണ്.
SUMMARY : Husband found dead after killing his wife and two children.
