ഡല്ഹി: തലസ്ഥാനത്ത് പ്രധാനമന്ത്രിയുടെ വസതിക്ക് മുന്നില് നാടകീയ രംഗങ്ങള്. പ്രധാനമന്ത്രിയുടെ വസതിയിലേക്കു കോണ്ഗ്രസ് നടത്തിയ പ്രതിഷേധ മാർച്ചിനെ തുടർന്ന് രാഹുല് ഗാന്ധിയും പ്രിയങ്ക ഗാന്ധിയും അറസ്റ്റില്. കോണ്ഗ്രസ് അധ്യക്ഷൻ മല്ലികാർജുൻ ഖാർഗെ ഉള്പ്പെടെയുള്ള നേതാക്കള് പ്രതിഷേധവുമായി പ്രധാനമന്ത്രിയുടെ വസതിക്ക് മുന്നിലുണ്ടായിരുന്നു.
രാഹുലിനെ റോഡിലൂടെ വലിച്ചിഴച്ചാണ് കൊണ്ടുപോയത്. എംപിമാരായ കെ.സി.വേണുഗോപാല്, ഹൈബി ഈഡൻ, ഡീൻ കുര്യാക്കോസ് തുടങ്ങിയവരും അറസ്റ്റിലായി. യൂണിഫോമില് നെയിംബോർഡില്ലാത്ത പോലീസുകാരാണ് നേതാക്കളെ ബലം പ്രയോഗിച്ചു നീക്കുന്നത്. തിരിച്ചറിയാതിരിക്കാൻ വേണ്ടിയാണിത്. അതേസമയം, സമരം തുടരുമെന്ന നിലപാടിലാണ് കോണ്ഗ്രസ്.
രാത്രിയിലും സമരം തുടരാൻ കോണ്ഗ്രസ് തീരുമാനിച്ചപ്പോഴാണ് പോലീസ് നേതാക്കളെ സ്ഥലത്തു നിന്നും മാറ്റാൻ ശ്രമം ആരംഭിച്ചത്. കേരള മുഖ്യമന്ത്രി വി.ഡി. സതീശൻ, കർണാടക മുഖ്യമന്ത്രി ഡി.കെ. ശിവകുമാർ എന്നിവരെയും മുഴുവൻ എംപിമാരെയും അണിനിരത്തിയാണ് കോണ്ഗ്രസിന്റെ പ്രതിഷേധം. മന്ത്രി പി.സി. വിഷ്ണുനാഥ് ഉള്പ്പെടെയുള്ളവർ സമരമുഖത്തുണ്ടായിരുന്നു.
SUMMARY: Protest outside the Prime Minister’s residence; Rahul Gandhi and Priyanka Gandhi arrested
