കണ്ണൂർ: നിതിൻ രാജിന്റെ മരണവുമായി ബന്ധപ്പെട്ട കേസില് കോടതി പ്രൊഡക്ഷൻ വാറണ്ട് നല്കിയതിനാല് മുഖ്യപ്രതി ഡോ.എം.കെറാമിനെ ഇന്ന് കോടതിയില് ഹാജരാക്കിയിരുന്നു. പിന്നാലെ അഞ്ച് ദിവസത്തേക്ക് പ്രതിയെ തലശ്ശേരി സെഷൻസ് കോടതി കസ്റ്റഡിയില് വിട്ടു.
ആഗസ്റ്റ് ഒന്നിന് പ്രതിയെ തിരികെ കോടതിയില് ഹാജരാക്കണം. പുതുതായി രൂപീകരിച്ച ക്രൈംബ്രാഞ്ച് സംഘമാണ് കേസ് അന്വേഷിക്കുന്നത്. ഡിവൈഎസ്പി ജീവൻ ജോർജിന്റെ നേതൃത്വത്തില് നടക്കുന്ന അന്വേഷണത്തിന് മലപ്പുറം ക്രൈംബ്രാഞ്ച് എസ്പി മോഹനചന്ദ്രനാണ് മേല്നോട്ടം വഹിക്കുന്നത്.
റാമിനെ വിശദമായി ചോദ്യം ചെയ്യുന്നതിന് പുറമെ, കണ്ണൂർ ഡെന്റല് കോളജിലും സംഭവസ്ഥലങ്ങളിലും തെളിവ് നടത്താനും അന്വേഷണസംഘത്തിന് പദ്ധതിയുണ്ട്. നിതിൻ രാജിന്റെ മാതാപിതാക്കളുടെയും മറ്റ് സാക്ഷികളുടെയും മൊഴികള് വീണ്ടും രേഖപ്പെടുത്തുമെന്നും അന്വേഷണസംഘം അറിയിച്ചു.
SUMMARY: Nithin Raj’s death: Prime accused Dr. Ram remanded to custody for five days
