തിരുവനന്തപുരം: കെഎസ്ആർടിസിയുടെ ഓണ്ലൈൻ ടിക്കറ്റിങ് സംവിധാനങ്ങള് കൂടുതല് ആധുനികവല്ക്കരിക്കുന്നതിന്റെ ഭാഗമായി വാട്സ്ആപ്പിലൂടെ നേരിട്ട് ബസ് ടിക്കറ്റ് ബുക്ക് ചെയ്യാനുള്ള പുതിയ സംവിധാനത്തിന് തുടക്കമായി. ഗതാഗത വകുപ്പ് മന്ത്രി സി.പി. ജോണ് ആണ് മലയാളം, ഇംഗ്ലീഷ് ഭാഷകളില് ലഭ്യമാകുന്ന ഈ സേവനത്തിന്റെ ഉദ്ഘാടനം നിർവ്വഹിച്ചത്. 9447071021 എന്ന വാട്സ്ആപ്പ് നമ്പർ വഴിയാണ് യാത്രക്കാർക്ക് ടിക്കറ്റ് ബുക്കിങ് നടത്താൻ സാധിക്കുക.
പ്രത്യേക ആപ്ലിക്കേഷനുകളുടെ സഹായമില്ലാതെ തന്നെ യാത്ര ചെയ്യുന്ന ദിവസം, പുറപ്പെടുന്ന സ്ഥലം, എത്തേണ്ട സ്ഥലം എന്നിവ നല്കിയാല് ലഭ്യമായ സർവീസുകളുടെ വിവരങ്ങള് ലഭിക്കും. അതില് നിന്നും അനുയോജ്യമായ സമയത്തെ ബസ് തിരഞ്ഞെടുത്ത് സീറ്റ് ഉറപ്പാക്കാവുന്നതാണ്.
ഇതിനൊപ്പം യാത്രക്കാരുടെ സംശയങ്ങള്ക്ക് മറുപടി നല്കാൻ 24 മണിക്കൂറും പ്രവർത്തിക്കുന്ന കോള് സെന്റർ സംവിധാനവും നിലവില് വന്നു. മുൻപ് സ്വകാര്യ ഏജൻസിയെ ഏല്പ്പിച്ചതിനെ തുടർന്ന് പരാതികള് ഉയർന്ന സാഹചര്യത്തില്, കെഎസ്ആർടിസിയുടെ കൊറിയർ സേവനം ഇനിമുതല് സ്വന്തം നിലയ്ക്ക് നേരിട്ട് നടത്താനും തീരുമാനമായിട്ടുണ്ട്.
SUMMARY: കെഎസ്ആര്ടിസി വാട്സ്ആപ്പ് ടിക്കറ്റിങ് സംവിധാനവും ടോള്ഫ്രീ നമ്പറും ഉദ്ഘാടനം ചെയ്തു
