കാലിഫോര്‍ണിയ: ആദ്യ ഫോള്‍ഡബിള്‍ ഫോണായ ‘ഐഫോണ്‍ ഡ്യൂവോ’ അവതരിപ്പിച്ച് ആപ്പിള്‍. ആപ്പിളിന്റെ മെഗാ ലോഞ്ച് ഇവന്റിലായിരുന്നു പ്രഖ്യാപനം. പുതിയ സിഇഒ ജോൺ ടെർനസിന്റെ നേതൃത്വത്തിൽ ആപ്പിൾ പാർക്കിലെ ‘സൺപ്രൈസ് ആൻഡ് ഷൈൻ എന്ന പേരിൽ നടന്ന ചടങ്ങിലാണ് ആപ്പിളിന്റെ പുതിയ ഐഫോൺ 18 പ്രോ, ഐഫോൺ 18 പ്രോ മാക്സ് മോഡലുകളും വിലയും റിലീസ് തീയതിയും ഔദ്യോഗികമായി പ്രഖ്യാപിച്ചിട്ടുണ്ട്. ഐഫോൺ 18 പ്രോ, ഐഫോൺ 18 പ്രോ മാക്സ് മോഡലുകൾക്കായുള്ള പ്രീ-ഓർഡറുകൾ സെപ്റ്റംബർ 12ന് ആരംഭിക്കും. ആഗോളതലത്തിലുള്ള വിൽപ്പന സെപ്റ്റംബർ 18 മുതൽ ആരംഭിക്കും.
വിപണിയിലുള്ള ആന്‍ഡ്രോയിഡ് ഫോള്‍ഡബിള്‍ ഫോണുകളില്‍ നിന്ന് വ്യത്യസ്തമായ ഡിസൈനിലാണ് ഐഫോണ്‍ ഡ്യൂവോ എത്തുന്നത്. മടക്കിവെക്കുമ്പോൾ ഏകദേശം ഒരു പാസ്പോർട്ടിന്റെ വലിപ്പത്തിലാണ് ഐഫോൺ ഡ്യൂവോ എത്തുന്നത്. സാംസങ് ഗ്യാലക്സി ഫോൾഡ് അവതരിപ്പിച്ച് ഏഴുവർ പുതിയ A20 പ്രോ (A20 Pro) ചിപ്സെറ്റാണ് ഐഫോൺ ഡ്യുവോയിലുള്ളത്. 7.76 ഇഞ്ച് പ്രൈമറി ഡിസ്പ്ലേയും 5.49 ഇഞ്ച് കവർ ഡിസ്പ്ലേയുമാണ് ഇതിൽ നൽകിയിരിക്കുന്നത്. 48 മെഗാപിക്‌സലിന്റെ രണ്ട് റിയർ ക്യാമറകളും, കവർ ഡിസ്‌പ്ലേയിൽ 12 മെഗാപിക്‌സൽ സെൽഫി ക്യാമറയുമുണ്ട്. iOS 27 ആണ് ഓപ്പറേറ്റിങ് സിസ്റ്റം. 12 ജിബി റാം, 256 ജിബി സ്റ്റോറേജുള്ള വേരിയന്റ് മുതൽ 2ടിബി സ്റ്റോറേജുള്ള വേരിയന്റ് വരെ ലഭ്യമാകും. 256 ജിബി സ്റ്റോറേജിന്റെ ഐഫോൺ ഡ്യുവോയ്ക്ക് ഇന്ത്യയിൽ ഏകദേശം 2,99,900 രൂപ മുതലാണ് വില. 512 ജിബിയ്ക്ക് 3.24 ലക്ഷം രൂപയും 1ടിബിയ്ക്ക് 3.74 ലക്ഷം രൂപയും 2ടിബിയ്ക്ക് 4.49 ലക്ഷം രൂപയും ഏകദേശം വിലവരും. സ്റ്റാർവൈറ്റ്, നൈറ്റി സ്കൈ നിറങ്ങളിൽ ഫോൺ ലഭ്യമാകും. ഒക്ടോബർ 16 മുതൽ ഐഫോൺ ഡ്യുവോയുടെ പ്രീഓർഡർ ആരംഭിക്കും. ഒക്ടോബർ 23 മുതൽ ഫോൺ വിപണിയിലെത്തും.
ക്യാമറയിലെ നിരവധി നവീകരണങ്ങൾ, പുതിയ കളർ ഓപ്ഷനുകൾ, ആപ്പിൾ ഇൻ്റലിജൻസിന് കീഴിൽ ലഭ്യമാകുന്ന വിവിധ ആർട്ടിഫിഷ്യൽ ഇന്റലിജൻസ് (AI) ഫീച്ചറുകൾ എന്നിവ ഉൾപ്പെടെ നിരവധി പുതിയ സവിശേഷതകളോടെയാണ് ഐഫോൺ 18 പ്രോ സീരീസ് എത്തുന്നത്. അമേരിക്കൻ വിപണിയിൽ 256GB സ്റ്റോറേജ് വേരിയന്റിന് ഐഫോൺ 18 പ്രോയുടെ വില 1,199 ഡോളറിൽ നിന്നാണ് ആരംഭിക്കുന്നത്. 256GB അടിസ്ഥാന വേരിയന്റിലുള്ള ഐഫോൺ 18 പ്രോ മാക്സിന്റെ വില 1,299 ഡോളറിൽ നിന്നാണ് ആരംഭിക്കുന്നത്. Burgundy, Glacier, Black, Silver എന്നീ നാല് കളർ ഓപ്ഷനുകളിലാണ് ഫോണുകൾ ലഭ്യമാകുക. ഇന്ത്യയിൽ ഐഫോൺ 18 പ്രോയുടെ വില 1,64,900 രൂപയിൽ നിന്നാണ് ആരംഭിക്കുന്നത്.ഐഫോൺ 18 പ്രോ മാക്സിന്റെ പ്രാരംഭ വില 1,79,900 രൂപയാണ്. 256GB, 512GB, 1TB, 2TB എന്നിങ്ങനെ നാല് സ്റ്റോറേജ് ഓപ്ഷനുകളിൽഐഫോൺ 18 പ്രോ. ഐഫോൺ 18 പ്രോ മാക്സ് മോഡലുകൾ ലഭ്യമാകും.
SUMMARY: Apple unveils foldable phone ‘iPhone Duo’, to be launched in October, price in India starts from Rs 2,99,900
