ബെംഗളൂരു: അകാലത്തിൽ വിടപറഞ്ഞ കഥാകാരി ഇ പി സുഷമയുടെ സ്മരണാർത്ഥം കുന്ദലഹള്ളി കേരളസമാജം ബെംഗളൂരു മലയാളികൾക്കായി സംഘടിപ്പിച്ച രണ്ടാമത് മലയാള ചെറുകഥാരചന മത്സരത്തിന്റെ ഫലം പ്രഖ്യാപിച്ചു. ബെംഗളൂരുവിലേയും കേരളത്തിലേയും വിധികർത്താക്കളാണ് കഥകൾ വിധിനിർണ്ണയം നടത്തിയത്.
‘അവസാന തുളസി’ എന്ന കഥയിലൂടെ സിന്ധു ഗാഥ ഒന്നാംസ്ഥാനം കരസ്ഥമാക്കി. “സ്വാതന്ത്ര്യം അർദ്ധരാത്രിയിൽ’ എന്ന കഥയിലൂടെ നവീൻ എസ് രണ്ടാംസ്ഥാനവും ‘കോറമണ്ഡൽ’ എന്ന കഥയിലൂടെ രമ പ്രസന്ന പിഷാരടി മൂന്നാംസ്ഥാനവും നേടി. കെ ആർ കിഷോർ, ബ്രിജി കെ ടി, അനിൽ രോഹിത്ത് എന്നിവർ സമാശ്വാസ സമ്മാനങ്ങളും നേടുകയുണ്ടായി. ഒക്ടോബർ 4 നു CMRIT യിൽ നടക്കുന്ന ഓണാഘോഷവേദിയിൽ വെച്ച് വിജയികൾക്കുള്ള സമ്മാനങ്ങൾ നൽകുന്നതായിരിക്കുമെന്ന് സമാജം ഭാരവാഹികൾ അറിയിച്ചു.
