നഗോയ: ഏഷ്യൻ ഗെയിംസ് വനിതാ ലോങ് ജംപില് ഇന്ത്യയുടെ മലയാളി താരം ആൻസി സോജന് വെള്ളി. 6.49 മീറ്റർ ചാടിയായിരുന്നു ആദ്യ ശ്രമത്തില് ആൻസി മുന്നിലെത്തിയത്. അഞ്ചാം ശ്രമത്തില് 6.53 മീറ്റർ മറികടന്നും താരം ഒന്നാം സ്ഥാനത്ത് തുടർന്നു. എന്നാല് ആറാം ശ്രമത്തില് ചൈനയുടെ ഹ്വങ് യിങ്യിങ് 6.55 മീറ്റർ താണ്ടിയതോടെ സ്വർണം ആൻസിക്ക് നഷ്ടമായി. തുടർച്ചയായ രണ്ടാം ഏഷ്യൻ ഗെയിംസിലും വെള്ളിയിലാണ് ആൻസിക്ക് തൃപ്തിപ്പെടേണ്ടിവന്നത്.
കഴിഞ്ഞ ഗെയിംസിലും താരം വെള്ളി നേടിയിരുന്നു. വനിതാ 200 മീറ്ററില് ഇന്ത്യക്ക് വെങ്കലം വനിതകളുടെ 200 മീറ്ററില് ഇന്ത്യയുടെ ഹരിത ഭദ്ര വെങ്കലം നേടി. 23.20 സെക്കൻഡില് ഫിനിഷ് ചെയ്താണ് ഹരിത മൂന്നാം സ്ഥാനത്തെത്തിയത്. സിങ്കപ്പുരിന്റെ ശാന്തി പെരേര സ്വർണവും ചൈനയുടെ ചെൻ യുജി വെള്ളിയും സ്വന്തമാക്കി. ഇന്ത്യയുടെ മെഡല് നേട്ടം 34 ആയി
ഇതോടെ ഏഷ്യൻ ഗെയിംസില് ഇന്ത്യയുടെ ആകെ മെഡല് നേട്ടം 34 ആയി. നാല് സ്വർണം, 15 വെള്ളി, 15 വെങ്കലം എന്നിങ്ങനെയാണ് ഇന്ത്യയുടെ മെഡല് പട്ടിക.
SUMMARY: Malayali athlete Ancy Sojan wins silver at the Asian Games
