തൃശൂർ: മദ്യപാനത്തെ തുടർന്നുണ്ടായ തർക്കത്തിൽ യുവാവിനെ സുഹൃത്ത് കുത്തി കൊലപ്പെടുത്തി. കുളത്താശേരി വെള്ളറ വീട്ടിൽ സോളമൻ (38) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് സോളമന്റെ സുഹൃത്തുക്കളായ താണിയം കട്ടയിൽ വീട്ടിൽ എൽദോസ്, നാലാംകോട് സ്വദേശി സിജോ എന്നിവരെ പോലിസ് പിടികൂടി.
ഇന്ന് ഉച്ചയോടെ തൃശൂർ തെക്കുംകര കുളത്താശേരിയിലെ ആളൊഴിഞ്ഞ പറമ്പിൽനിന്നുമാണ് സോളമന്റെ മൃതദേഹം ഇന്ന് ഉച്ചയോടെ കണ്ടെത്തിയത്. തുടര്ന്നു പോലീസ് നടത്തിയ അന്വേഷണത്തിലാണ് ഇരുവരും പിടിയിലായത്. മൂവരും ചേർന്ന് മദ്യപിക്കുന്നതിനിടെയുണ്ടായ തർക്കമാണ് കൊലപാതകത്തിൽ കലാശിച്ചതെന്ന് പോലിസ് വ്യക്തമാക്കി.
വാക്കുതർക്കത്തിനൊടുവിൽ എൽദോസാണ് സോളമനെ കുത്തിയതെന്നാണ് പോലിസിന് ലഭിച്ച പ്രാഥമിക വിവരം. കൊലപാതകം നടത്തിയ എൽദോസിന് ക്രിമിനൽ പശ്ചാത്തലമുണ്ടെന്നും സംഭവത്തിൽ കൂടുതൽ അന്വേഷണം നടന്നുവരികയാണെന്നും പോലിസ് അറിയിച്ചു.
SUMMARY: Argument while drinking; A young man was stabbed to death by his friend in Thrissur
