തിരുവനന്തപുരം: വെസ്റ്റ് ഇന്ഡീസിനെതിരായ ഒന്നാം ഏകദിനത്തില് ഇന്ത്യക്ക് മിന്നും ജയം. വിൻഡിസ് ഉയർത്തിയ 296 റൺസ് വിജയലക്ഷ്യം 41.4 ഓവറിൽ ഇന്ത്യ അനായാസം മറി കടന്നു. 2 വിക്കറ്റ് നഷ്ടത്തിൽ 300 റൺസ് ആണ് ഇന്ത്യ അടിച്ചുകൂട്ടിയ്. സെഞ്ച്വറി നേടി ക്യാപ്ടൻ ശുഭ്മാൻ ഗില്ലും മുൻ ക്യാപ്ടൻ വിരാട് കൊഹ്ലിയുമാണ് ഇന്ത്യൻ വിജയത്തിന്റെ ശില്പികൾ.
കോഹ്ലി 139 റൺസാണെടുത്തത്. 88 പന്തിൽ 10 ബൗണ്ടറിയും ഒമ്പത് സിക്സും അടങ്ങുന്നതായിരുന്നു കോഹ്ലിയുടെ ഇന്നിംഗ്സ്. ഇതോടെ ഏകദിന ക്രിക്കറ്റിൽ 15000 റൺസ് തികയ്ക്കാനും കോഹ്ലിക്കായി. 108 പന്തിൽ 110 റൺസാണ് ഗിൽ സ്കോർ ചെയ്തത്. രോഹിത് ശർമ 32 റൺസെടുത്തു.
വെസ്റ്റ് ഇൻഡീസിന് വേണ്ടി അൽസാരി ജോസഫും റോസ്റ്റൺ ചെയ്സും ഓരോ വിക്കറ്റ് വീതമെടുത്തു. ആദ്യം ബാറ്റ് ചെയ്ത വെസ്റ്റ് ഇൻഡീസ് 50 ഓവറിൽ ഏഴ് വിക്കറ്റ് നഷ്ടത്തിലാണ് 295 റൺസെടുത്തത്.
ജസ്റ്റിൻ ഗ്രീവ്സിന്റെ സെഞ്ചുറിയുടെയും ജോൺ കാംപ്ബെല്ലിന്റെയും അമീർ ജംഗോയുടെയും അർധ സെഞ്ചുറികളുടെയും ബലത്തിലാണ് വെസ്റ്റ് ഇൻഡീസ് മികച്ച സ്കോർ പടുത്തുയർത്തിയത്. ഗ്രീവ്സ് 101 റൺസും കാംപ്ബെൽ 62 റൺസും ജാംഗോ 58 റൺസുമാണെടുത്തത്.
ഇന്ത്യയ്ക്ക് വേണ്ടി കുൽദീപ് യാദവ് നാല് വിക്കറ്റെടുത്തു. പ്രസിദ് കൃഷ്ണ രണ്ട് വിക്കറ്റും നിതീഷ് കുമാർ റെഡ്ഡി ഒരു വിക്കറ്റും വീഴ്ത്തി.
SUMMARY: Century for Kohli and Gilli; India beat West Indies by eight wickets
