കൊച്ചി: മദ്യപിച്ച് വാഹനമോടിച്ച കേസില് യൂട്യൂബര് അശ്വന്ത് കോക്കിന്റെ ഡ്രൈവിങ് ലൈസന്സ് സ്പെന്ഡ് ചെയ്യാന് നടക്കാവ് പോലീസ് മോട്ടോര് വാഹന വകുപ്പിന് റിപ്പോര്ട്ട് നല്കും. കസ്റ്റഡിയിലെടുത്ത വാഹനത്തില് നടത്തിയ പരിശോധനയില് പോലീസ് എയര്ഗണ്ണും പെല്ലറ്റുകളും മദ്യക്കുപ്പികളും കണ്ടെത്തി. കസ്റ്റെഡിയിലെടുത്ത വാഹനവും എയര്ഗണ്ണും പോലീസ് കോടതിയില് ഹാജരാക്കി.
തിങ്കളാഴ്ച രാത്രി ഏഴരയോടെ കോഴിക്കോട് എരഞ്ഞിപ്പാലത്ത് വച്ച് അശ്വന്ത് കോക്ക് ഓടിച്ച വാഹനം രണ്ട് കാറുകളിലും ബൈക്കിലും ഇടിക്കുകയായിരുന്നു. തുടര്ന്ന് നാട്ടുകാര് അശ്വന്ത് കോക്കിന്റെ വാഹനം തടയുകയും ഇയാളെ പിടികൂടി പോലീസിനെ ഏല്പ്പിക്കുകയുമായിരുന്നു. റോഡില് നിര്ത്തിയിട്ട കാറിലും ഭിന്നശേഷിക്കാരന് സഞ്ചരിച്ച വാഹനത്തിലുമടക്കം അശ്വന്ത് കോക്കിന്റെ വാഹനം ഇടിച്ചിരുന്നു.
അശ്വന്ത് കോക്കിനെ നാട്ടുകാര് തടഞ്ഞു നിര്ത്തുന്നതിന്റേയും പോലീസിന് കൈമാറുന്നതിന്റേയും ദൃശ്യങ്ങള് സമൂഹ മാധ്യമങ്ങളില് വൈറലായിരുന്നു. വൈദ്യ പരിശോധനയ്ക്കായി ആശുപത്രിയിലെത്തിച്ച ശേഷം മടങ്ങുമ്പോള് മദ്യപിച്ചിരുന്നുവോ എന്ന മാധ്യമങ്ങളുടെ ചോദ്യത്തിന് ദാറ്റ്സ് കേരളാ പോലീസ് എന്ന അശ്വന്ത് കോക്കിന്റെ മറുപടിയും വൈറലായിരുന്നു. അറസ്റ്റിലായ അശ്വന്ത് കോക്കിനെ പിന്നീട് സ്റ്റേഷന് ജാമ്യത്തില് വിട്ടയച്ചിരുന്നു.
SUMMARY: An air gun and pellets were found in YouTuber Aswanth Kok’s car
