കൊച്ചി: പെട്രോള്‍, ഡീസല്‍ വില വർധനവില്‍നിന്ന് ആശ്വാസം തേടി സി.എൻ.ജിയെ ആശ്രയിച്ചവർക്ക് ഇരുട്ടടി. വളരെ വേഗത്തില്‍ ഉയരുന്ന സി.എൻ.ജി വില ഡീസലിനെയും മറികടന്നു. കൊച്ചിയില്‍ വ്യാഴാഴ്ച ഡീസല്‍ ലിറ്ററിന് 102.45 രൂപയാണെങ്കില്‍ ഒരുകിലോ സി.എൻ.ജിക്ക് 102.50 രൂപയായിരുന്നു. പെട്രോളിന് 113.53 രൂപയും. ഡീസല്‍ വില കുതിച്ചുയരുന്ന സാഹചര്യത്തില്‍ ഒട്ടേറെ വാഹന ഉടമകള്‍ സി.എൻ.ജിയിലേക്ക് മാറിയിരുന്നു.
എന്നാല്‍, അപ്രതീക്ഷിത വിലക്കയറ്റം ഇവർക്ക് തിരിച്ചടിയായി. അസംസ്കൃത എണ്ണ വില വർധിച്ചതാണ് സി.എൻ.ജി വില ഉയരാൻ കാരണമായി പറയുന്നത്. എട്ടു വർഷം മുമ്പ് ഡീസല്‍ ലിറ്ററിന് 71 രൂപയായിരുന്നപ്പോള്‍ സി.എൻ.ജി കിലോക്ക് 46.50 രൂപ നല്‍കിയാല്‍ മതിയായിരുന്നു. 24.50 രൂപ കുറവ്. വിലയിലെ ഈ വലിയ അന്തരം ഒട്ടേറെ പേരെ പിന്നീട് സി.എൻ.ജി ഉപയോഗിക്കുന്ന വാഹനങ്ങളിലേക്ക് ആകർഷിച്ചു. പുതിയ സാഹചര്യത്തില്‍ ഇവർ നഷ്ടം സഹിക്കേണ്ടിവരുന്നു.
SUMMARY: CNG prices are rising
