വിദേശ വ്ലോഗറുടെ വീഡിയോ വൈറൽ; ഇന്ദിരാനഗറിലെ ഫുട്പാത്ത് അറ്റകുറ്റപ്പണിക്ക് നടപടി

ബെംഗളൂരു: ബെംഗളൂരുവിലെ തകർന്ന ഫുട്പാത്തുകളുടെ ദുരവസ്ഥ ചൂണ്ടിക്കാട്ടി വിദേശ വ്ലോഗർ പുറത്തുവിട്ട വീഡിയോ വൈറലായതിന് പിന്നാലെ ഇന്ദിരാനഗറിലെ ഫുട്പാത്ത് അറ്റകുറ്റപ്പണിക്ക് നടപടി. ഫുട്പാത്തുകളുടെ ശോച്യാവസ്ഥ സംബന്ധിച്ച വീഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചതോടെയാണ് അധികൃതരുടെ ശ്രദ്ധ വിഷയത്തിലേക്ക് എത്തിയത്.

12th Main Indiranagar is getting fixed.

Thanks to Team Domlur, Blr Central City Corpn, for rapid response.

Work is in progress

Let’s Make Bengaluru a Walkaluru!
#SafeFootpathCampaign
#freedomfromwaste
#walkaluru
#12thmainindiranagar https://t.co/4ehrCWm1lY

— Greater Bengaluru Authority (@GBA_office) October 3, 2026

ഇന്ദിരാനഗറിലെ വിവിധ ഭാഗങ്ങളിലെ ഫുട്പാത്തുകൾ തകർന്നതും കാൽനടയാത്രക്കാർക്ക് സഞ്ചരിക്കാൻ ബുദ്ധിമുട്ടുണ്ടാകുന്നതുമാണ് വീഡിയോയിൽ ചൂണ്ടിക്കാട്ടിയത്. റോഡരികിൽ അനധികൃതമായി വാഹനങ്ങൾ പാർക്ക് ചെയ്യുന്നതും ഫുട്പാത്തുകൾ കാൽനടയാത്രയ്ക്ക് പകരം മറ്റ് ആവശ്യങ്ങൾക്ക് ഉപയോഗിക്കുന്നതും നഗരത്തിലെ പ്രധാന പ്രശ്നങ്ങളായി വീഡിയോയിൽ അവതരിപ്പിച്ചിരുന്നു.

വീഡിയോ ശ്രദ്ധയിൽപ്പെട്ടതിനെ തുടർന്ന് ലോകായുക്ത വിഷയത്തിൽ സ്വമേധയാ ഇടപെടുകയും ബന്ധപ്പെട്ട അധികൃതരോട് സ്ഥിതിഗതികൾ പരിശോധിക്കാൻ നിർദേശിക്കുകയും ചെയ്തു. തുടർന്ന് ഇന്ദിരാനഗറിലെ ഫുട്പാത്തുകളുടെ അവസ്ഥ പരിശോധിച്ച് ആവശ്യമായ അറ്റകുറ്റപ്പണികൾ നടത്തുന്നതിനുള്ള നടപടികൾ ആരംഭിച്ചു.

ബെംഗളൂരുവിലെ അടിസ്ഥാന സൗകര്യങ്ങളുടെ നിലവാരം സംബന്ധിച്ച് സമൂഹമാധ്യമങ്ങളിൽ നിരന്തരം ചർച്ചകൾ നടക്കുന്നതിനിടെയാണ് വിദേശ വ്ലോഗറുടെ വീഡിയോയും ശ്രദ്ധ നേടിയത്. നഗരത്തിലെ ഫുട്പാത്തുകൾ കാൽനടയാത്രക്കാർക്ക് സുരക്ഷിതമായി ഉപയോഗിക്കാവുന്ന നിലയിലാക്കണമെന്ന ആവശ്യം ഇതോടെ വീണ്ടും ശക്തമായി.

SUMMARY: Foreign vlogger’s video goes viral; action taken on footpath repairs in Indiranagar.