ബെംഗളൂരു: കർണാടകയിലെ ഹാസൻ ജില്ലയിൽ കാട്ടാനയുടെ ആക്രമണത്തിൽ ഒരു സ്ത്രീ മരിച്ചു.ജയമ്മ (45)യാണ് മരിച്ചത്. ബേലൂർ താലൂക്കിലെ തഗരേ ഗ്രാമത്തിന് സമീപമാണ് സംഭവം. പ്രദേശത്ത് കാട്ടാനകളുടെ ശല്യം വർധിച്ചുവരുന്ന സാഹചര്യത്തിൽ ഉണ്ടായ ദുരന്തം ഗ്രാമവാസികളിൽ വലിയ പ്രതിഷേധത്തിന് ഇടയാക്കി.
ആക്രമണത്തിൽ ഗുരുതരമായി പരിക്കേറ്റ ജയമ്മ സംഭവസ്ഥലത്തുവെച്ചുതന്നെ മരിച്ചതായാണ് റിപ്പോർട്ട്. വിവരമറിഞ്ഞ് വനംവകുപ്പ് ഉദ്യോഗസ്ഥരും പോലീസും സ്ഥലത്തെത്തി. എന്നാൽ വന്യമൃഗങ്ങളുടെ ആക്രമണം തടയാൻ അധികൃതർ സ്ഥിരമായ നടപടി സ്വീകരിക്കണമെന്നാവശ്യപ്പെട്ട് നാട്ടുകാർ പ്രതിഷേധിച്ചു.
മരിച്ച സ്ത്രീയുടെ മൃതദേഹം സംഭവസ്ഥലത്തുനിന്ന് മാറ്റാൻ ഗ്രാമവാസികൾ അനുവദിച്ചില്ല. കാട്ടാനകളുടെ സഞ്ചാരം നിയന്ത്രിക്കുന്നതിനും ജനവാസമേഖലകളിലേക്കുള്ള കടന്നുകയറ്റം തടയുന്നതിനും ഫലപ്രദമായ നടപടി വേണമെന്നാണ് നാട്ടുകാരുടെ ആവശ്യം. വന്യമൃഗശല്യം മൂലം കൃഷിക്കും മനുഷ്യജീവനും ഭീഷണി നേരിടുന്നുവെന്നും അവർ ചൂണ്ടിക്കാട്ടി. പ്രതിഷേധത്തെ തുടർന്ന് അധികൃതർ നാട്ടുകാരുമായി ചർച്ച നടത്തി തുടർനടപടികൾ സ്വീകരിക്കാമെന്ന ഉറപ്പ് നൽകി.
SUMMARY: Woman dies in katana attack in Hassan; The villagers protested against being allowed to move the dead body
















