ബെംഗളൂരു: കർണാടക ലെജിസ്ലേറ്റീവ് കൗൺസിൽ തിരഞ്ഞെടുപ്പിൽ 5 സീറ്റുകളിലെ ബിജെപി സ്ഥാനാർഥികളെ പ്രഖ്യാപിച്ചു. അമർനാഥ് പാട്ടീൽ (നോർത്ത് ഈസ്റ്റ് ഗ്രാജ്വേറ്റ്സ്), ധനഞ്ചയ് സർജി (സൗത്ത് വെസ്റ്റ് ഗ്രാജ്വേറ്റ്സ്), എ.ദേവെഗൗഡ (ബെംഗളൂരു ഗ്രാജ്വേറ്റ്സ്), വൈ.എ.നാരായണസ്വാമി (സൗത്ത് ഈസ്റ്റ് ടീച്ചേഴ്സ്), ഇ.സി.നിങ്കരാജു (സൗത്ത് ടീച്ചേഴ്സ്) എന്നിവരാണ് സ്ഥാനാർഥികൾ. 6 സീറ്റുകളിൽ ജൂൺ 3നാണ് വോട്ടെടുപ്പ്. സൗത്ത് വെസ്റ്റ് ടീച്ചേഴ്സ് മണ്ഡലത്തിൽ സഖ്യകക്ഷിയായ ജെഡിഎസ് സ്ഥാനാർഥിയെ പ്രഖ്യാപിക്കും.
2018ലെ തിരഞ്ഞെടുപ്പിൽ ബിജെപി–3, ജെഡിഎസ് –2, കോൺഗ്രസ്–1 എന്നിങ്ങനെ സീറ്റുകളിലാണ് വിജയിച്ചത്. കോൺഗ്രസ് 6 സീറ്റുകളിലും സ്ഥാനാർഥികളെ പ്രഖ്യാപിച്ചിട്ടുണ്ട്. നാമനിർദേശ പത്രിക സമർപ്പിക്കാനുള്ള അവസാന തീയതി 16നാണ്. ജൂൺ 6ന് വോട്ടെണ്ണും. നിലവിൽ 75 അംഗ സഭയിൽ ബിജെപിക്കു 33, ജെഡിഎസിനു 7 അംഗങ്ങളാണുള്ളത്. കോൺഗ്രസിനു 29 എംഎൽസിമാരുമുണ്ട്.
