ബെംഗളൂരു: ബെംഗളൂരു-മൈസൂരു എക്സ്പ്രസ് വേയില് കഴിഞ്ഞ 28 ദിവസത്തിനിടെ എഐ കാമറയില് കണ്ടെത്തിയത് 74,015 നിയമലംഘനങ്ങള്. 118 കിലോമീറ്ററിനുള്ളില് സ്ഥാപിച്ച 22 കാമറകളാണ് ഈ നിയമലംഘനങ്ങള് കണ്ടെത്തിയത്.
74,015 നിയമലംഘനങ്ങളില് 57,057 എണ്ണവും സീറ്റ് ബെല്റ്റ് ധരിക്കാത്തതുമായി ബന്ധപ്പെട്ടുള്ളതാണ്. അമിത വേഗതയില് വാഹനം ഓടിച്ചതിന് 10,945 കേസുകളും, വാഹനം ഓടിച്ചപ്പോള് മൊബൈല് ഫോണ് ഉപയോഗിച്ചതിന് 494 കേസുകളുമെടുത്തതായി ട്രാഫിക് പോലീസ് അറിയിച്ചു.
നിരവധി റോഡപകടങ്ങളും, ട്രാഫിക് നിയമലംഘനങ്ങളും പാതയിൽ പതിവായതോടെയാണ് എഐ കാമറ സ്ഥാപിച്ചത്. എന്നിട്ടും നിയമം ലംഘിക്കുന്നവരുടെ എണ്ണത്തില് കാര്യമായ കുറവൊന്നും വന്നിട്ടില്ല.
ബെംഗളുരു-മൈസൂരു എക്സ്പ്രസ് വേയില് ഓരോ മണിക്കൂറിലും 100-ലധികം ട്രാഫിക് നിയമലംഘനങ്ങളാണ് എഐ കാമറ രേഖപ്പെടുത്തുന്നത്. നിയമലംഘനം നടത്തുന്നവരുടെ വാഹനങ്ങള് ടോളിലൂടെ പുറത്തേയ്ക്ക് കടക്കുമ്പോള് ഫാസ്റ്റ്ടാഗ് അക്കൗണ്ടില് നിന്നും പിഴ ഈടാക്കുകയാണ് ചെയ്യുന്നത്. ഈ വര്ഷം മാര്ച്ചിലാണ് ബെംഗളൂരു-മൈസൂരു എക്സ്പ്രസ്വേ തുറന്നത്.
TAGS: BENGALURU UPDATES
WhatsApp
Telegram
