ബെംഗളൂരു: ബിആർടി ടൈഗർ റിസേർവിന് സമീപം പുള്ളിപ്പുലിയുടെ ജഡം കണ്ടെത്തി. ചാമരാജ്നഗർ വഡ്ഡരഹള്ളിയിലാണ് പെൺപുലിയുടെ ജഡം കണ്ടെത്തിയത്. ഏകദേശം ഒരു വയസ്സ് പ്രായമുള്ള പുലിയുടെ ജഡമാണ് ഇതെന്ന് വനം വകുപ്പ് ഉദ്യോഗസ്ഥർ പറഞ്ഞു. ആന്തരിക അവയവങ്ങളുടെ സാമ്പിളുകൾ പോസ്റ്റ്മോർട്ടത്തിനായി അയച്ചു.
പട്ടിണി മൂലമാകാം പുലി ചത്തതെന്ന് ഡെപ്യൂട്ടി റേഞ്ച് ഫോറസ്റ്റ് ഓഫീസർ ശ്രീപതി പറഞ്ഞു. പ്രദേശത്ത് പുലിശല്യം രൂക്ഷമാണെന്ന് കഴിഞ്ഞ ഗ്രാമവാസികൾ പറഞ്ഞു. അടുത്തിടെ സമീപത്തെ ഗ്രാമത്തിലെ 50ഓളം ആടുകളെ പുലി കൊന്നിരുന്നു. ഇതേതുടർന്ന് പുലിയെ പിടികൂടാൻ വനം വകുപ്പ് പരിസരത്ത് കൂടുകൾ സ്ഥാപിച്ചെങ്കിലും ഫലമുണ്ടായിരുന്നില്ല. ഇതിനിടെയാണ് പുലിയുടെ ജഡം കണ്ടെത്തിയത്. മരണകാരണം നിലവിൽ വ്യക്തമല്ല. പ്രദേശത്ത് പട്രോളിംഗ് പുരോഗമിക്കുകയാണെന്ന് ശ്രീപതി പറഞ്ഞു.
TAGS: KARNATAKA | LEOPARD
SUMMARY: Young leopard found dead in field near brt tiger reserve
WhatsApp
Telegram
