ബെംഗളൂരു: ബിബിഎംപി ചീഫ് കമ്മീഷണർ തുഷാർ ഗിരിനാഥിന്റെ പേരിൽ വ്യാജ ഫേസ്ബുക്ക് അക്കൗണ്ട് ഉണ്ടാക്കിയതായി പരാതി. സെൻട്രൽ ക്രൈംബ്രാഞ്ചിൻ്റെ സൈബർ, ഇക്കണോമിക് ആൻഡ് നാർക്കോട്ടിക് (സിഇഎൻ) പോലീസിൽ തുഷാർ ഗിരിനാഥ് ആണ് പരാതി നൽകിയത്. തന്റെ പേരിൽ വ്യാജ അക്കൗണ്ട് ഉണ്ടാക്കിയിട്ടുണ്ടെന്നും, ഇതുവഴി നിരവധി ആളുകളോട് പണം ആവശ്യപ്പെട്ടതായും അദ്ദേഹം പരാതിയിൽ പറഞ്ഞു.
തുഷാർ ഗിരിനാഥിൻ്റെ പേര്, ഫോട്ടോ, ബിബിഎംപിയുടെ പേര് എന്നിവ ഉപയോഗിച്ചാണ് തട്ടിപ്പുകാർ വ്യാജ അക്കൗണ്ട് തുറന്നത്. സുഹൃത്തുക്കളും ബന്ധുക്കളുമാണ് ഇക്കാര്യം ശ്രദ്ധയിൽ പെടുത്തിയത്. ഇതോടെയാണ് പരാതി നൽകാൻ തീരുമാനിച്ചതെന്ന് അദ്ദേഹം പറഞ്ഞു. വ്യാജ അക്കൗണ്ട് ഉടൻ ഇല്ലാതാക്കണമെന്നും കുറ്റക്കാർക്കെതിരെ കർശന നിയമനടപടി സ്വീകരിക്കണമെന്നും പരാതിയിൽ അദ്ദേഹം ആവശ്യപ്പെട്ടു.
TAGS: BENGALURU | BBMP
SUMMARY: FIR filed over fake Facebook account in name of BBMP chief Tushar Girinath
