ബെംഗളൂരു: ബെംഗളൂരുവിൽ പാചകവാതക സിലിണ്ടർ പൊട്ടിത്തെറിച്ച് രണ്ട് പേർക്ക് പൊള്ളലേറ്റു. ഈസ്റ്റ്‌ ബെംഗളൂരുവിൽ വ്യാഴാഴ്ച വൈകീട്ടാണ് സംഭവം. സയ്യിദ് രെഹാൻ, സയ്യിദ് അയാൻ എന്നിവർക്കാണ് പൊള്ളലേറ്റത്. ഇരുവരും ഇപ്പോൾ ആശുപത്രിയിൽ ചികിത്സയിലാണ്.
അൻവർ എന്നയാൾ നടത്തുന്ന സിലിണ്ടർ ഷോപ്പിലാണ് അപകടമുണ്ടായത്. ഒഴിഞ്ഞ സിലിണ്ടറുകളിലേക്ക് വാതകം നിറയ്ക്കാൻ ശ്രമിക്കവേയാണ് പൊട്ടിത്തെറിയുണ്ടായത്.
ശരിയായ നടപടിക്രമത്തെക്കുറിച്ചുള്ള അറിവില്ലായ്മ കാരണമാണ് അപകടം നടന്നതെന്ന് പോലീസ് പറഞ്ഞു. സംഭവസമയം കടയിൽ രണ്ട് പേർ മാത്രം ഉണ്ടായിരുന്നതിനാൽ വൻ അപകടം ഒഴിവായി. ഇലക്‌ട്രോണിക്‌സ് സിറ്റി പോലീസ് സംഭവത്തിൽ കേസെടുത്തു.
TAGS: BENGALURU | BLAST
SUMMARY: 2 injured in LPG cylinder blast in Bengaluru
