ബെംഗളൂരു: റോഡ് നവീകരണ പ്രവൃത്തി നടക്കുന്നതിനാൽ ദേവരബിസനഹള്ളി-സക്ര റോഡിന്റെ ഒരു ഭാഗം 60 ദിവസത്തേക്ക് അടച്ചിടുമെന്ന് ബിബിഎംപി അറിയിച്ചു. മിന്ത്ര അപ്പാർട്ടുമെൻ്റിൽ നിന്ന് ബെല്ലന്ദൂർ കോടിയിലേക്കുള്ള റോഡിലാണ് നവീകരണ പ്രവൃത്തി നടക്കുന്നത്.
ഈ ദിവസങ്ങളിൽ യമലൂരിൽ നിന്ന് ദേവരബിസനഹള്ളിയിലേക്കും ബെല്ലന്ദൂരിലേക്കും പോകുന്ന വാഹനങ്ങൾ ഓൾഡ് എയർപോർട്ട് റോഡ്, യമലൂർ ജംഗ്ഷൻ, മാറത്തഹള്ളി പാലം, കടുബീസനഹള്ളി വഴി ഔട്ടർ റിംഗ് റോഡിലേക്ക് കടന്നുപോകണം.
യമലൂരിൽ നിന്ന് കടുബീസനഹള്ളിയിലേക്കും ദേവരബിസനഹള്ളിയിലേക്കും പോകുന്ന വാഹനങ്ങൾ യമലൂർ കോടിയിൽ നിന്ന് ഇടത്തേക്ക് തിരിഞ്ഞ് ഓൾഡ് എയർപോർട്ട് റോഡ്, യമലൂർ ജംഗ്ഷൻ, കരിയമ്മന അഗ്രഹാര റോഡിലേക്ക് കടന്നുപോകണം. യമലൂരിൽ നിന്ന് ഔട്ടർ റിംഗ് റോഡിലേക്ക് പോകുന്ന വാഹനങ്ങൾ യമലൂർ കോടിയിൽ നിന്ന് വലത്തേക്ക് തിരിഞ്ഞ് ബെല്ലന്ദൂർ കോടി, യമലൂർ വില്ലേജ് വഴി ഔട്ടർ റിംഗ് റോഡിൽ എത്തിച്ചേരണം.
ദേവരബിസനഹള്ളിയിൽ നിന്നും ബെല്ലന്ദൂരിൽ നിന്നും വരുന്ന വാഹനങ്ങൾ ഔട്ടർ റിംഗ് റോഡിലേക്ക് തിരിഞ്ഞ് കടുബീസനഹള്ളി, മാറത്തഹള്ളി, യമലൂർ ജംഗ്ഷൻ വഴി പോകണം. കടുബീസനഹള്ളിയിൽ നിന്നോ ദേവരബിസനഹള്ളിയിൽ നിന്നോ വരുന്ന വാഹനങ്ങൾ കരിയമ്മന അഗ്രഹാര റോഡിൽ നിന്ന് വലത് തിരിഞ്ഞ് യമലൂർ വില്ലേജ്, ഓൾഡ് എയർപോർട്ട് റോഡ് വഴി പോകണം.
TAGS: BENGALURU | TRAFFIC RESTRICTED
SUMMARY: Bengaluru’s Devarabisanahalli-Sakra Road to close for 60 days
