ബെംഗളൂരു: സംസ്ഥാന സർക്കാരിനെ താഴെയിറക്കാനായി എംഎൽഎമാർക്ക് ബിജെപി 100 കോടി വാഗ്ദാനം ചെയ്തെന്ന ആരോപണവുമായി കോൺഗ്രസ് എംഎൽഎ രവികുമാർ ഗൗഡ. എംഎൽഎമാർക്ക് 50 കോടി വാഗ്ദാനം ചെയ്യുന്നുണ്ടെന്ന് കഴിഞ്ഞദിവസം മുഖ്യമന്ത്രി സിദ്ധരാമയ്യ ആരോപിച്ചിരുന്നു. ഇതിന് പിന്നാലെയാണ് 100 കോടി വാഗ്ദാനം ചെയ്തെന്ന് കാണിച്ച് രവികുമാർ രംഗത്തുവന്നത്.
കിറ്റൂർ എംഎൽഎ ബാബസാഹിബ് ഡി. പാട്ടീൽ, ചിക്കമഗളൂരു എംഎൽഎ എച്ച്.ഡി തമ്മയ്യ എന്നിവരെ ഇക്കാര്യത്തിനായി ബിജെപി ബന്ധപ്പെട്ടിട്ടുണ്ടെന്ന് രവികുമാർ പറഞ്ഞു. ഇതിന്റെ രേഖകൾ തന്റെ കൈവശമുണ്ടെന്നും ഉടൻ അത് പുറത്തുവിടുമെന്നും അദ്ദേഹം വ്യക്തമാക്കി. അതേമസമയം, തങ്ങളെ ആരും ബന്ധപ്പെട്ടിട്ടില്ലെന്ന് പാട്ടീലും തമ്മയ്യയും പറഞ്ഞു. തെളിവുകളുണ്ടെങ്കിൽ പുറത്തുവിടണമെന്ന് ബിജെപിയും വെല്ലുവിളിച്ചു. സംസ്ഥാനത്ത് ബിജെപി ഓപ്പറേഷൻ കമല തുടരുകയാണെന്ന് കഴിഞ്ഞ ദിവസം സിദ്ധരാമയ്യ ആരോപിച്ചിരുന്നു. കർണാടകയിൽ 135 എംഎൽഎമാരാണ് കോൺഗ്രസിനുള്ളത്. ബിജെപിക്ക് 66ഉം ജെഡിഎസിന് 19ഉം അംഗങ്ങളുണ്ട്.
TAGS: KARNATAKA | BJP | CONGRESS
SUMMARY: Two Congress MLAs offered Rs 100 crore to topple Karnataka govt, MLA Ravikumar
WhatsApp
Telegram
