ബെംഗളൂരു: ബെംഗളൂരുവിൽ അടുത്ത അഞ്ച് ദിവസത്തേക്ക് ശക്തമായ മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. ഫെംഗൽ ചുഴലിക്കാറ്റുമായി ബന്ധപ്പെട്ടാണ് ബെംഗളൂരുവിൽ മഴ ശക്തമാകുന്നത്. തമിഴ്‌നാട്ടിൽ ഉണ്ടായ കൊടുങ്കാറ്റാണ് ബെംഗളൂരുവിലും കർണാടകയുടെ മറ്റ് ഭാഗങ്ങളിലും മഴ പെയ്യാനുള്ള പ്രധാന കാരണമെന്ന് ഐഎംഡി ഉദ്യോഗസ്ഥർ പറഞ്ഞു.
ഡിസംബർ ഒന്നിന് കുറഞ്ഞ താപനില 18, കൂടിയ താപനില 25 എന്നിങ്ങനെ ആയിരിക്കും. അടുത്ത അഞ്ച് ദിവസത്തേക്കും താപനില ഇതേ രീതിയിൽ തുടരുമെന്നും ഉദ്യോഗസ്ഥർ പറഞ്ഞു. നഗരത്തിൽ ശനിയാഴ്ച ശരാശരി പകൽ താപനില 18 ഡിഗ്രി ആയിരുന്നു. കൂടിയ താപനില 21.61 ഡിഗ്രി സെൽഷ്യലും കുറഞ്ഞ താപനില 18.62 സെൽഷ്യസുമാണ്.
TAGS: BENGALURU | RAIN
SUMMARY: Heavy Rains to lash in parts of city for five days
