അരവിന്ദ് കെജ്രിവാളിനെതിരെ ആക്രമണം; അക്രമി കസ്റ്റഡിയിൽ

ന്യൂഡൽഹി: ഡൽഹി മുൻ മുഖ്യമന്ത്രി അരവിന്ദ് കെജ്രിവാളിനെതിരെ ആക്രമണം. ഗ്രേറ്റർ കൈലാഷ് ഏരിയയിൽ പദയാത്രയ്ക്കിടെയാണ് ആക്രമണം ഉണ്ടായത്. അജ്ഞാതനായ ഒരാൾ ദ്രാവകം അരവിന്ദ് കെജ്രിവാളിന്റെ ദേഹത്തേക്ക് ഒഴിക്കുകയായിരുന്നു. കെജ്രിവാളിന്റെ സുരക്ഷാ ചുമതലയിൽ ഉണ്ടായിരുന്ന ഉദ്യോഗസ്ഥർ ഇയാളെ കസ്റ്റഡിയിലെടുത്തു.

സ്ഥിതി നിയന്ത്രണവിധേയമാണെന്ന് പോലീസ് പിന്നീട് അറിയിച്ചു. സംഭവത്തിന് പിന്നാലെ എഎപി ഡൽഹിയിലർ ക്രമസമാധാനം തകർച്ചയെ വിമർശിച്ച് രംഗത്ത് വന്നു. ഇതാദ്യമായ എല്ലാ കെജ്രിവാളിന് നേരെ ഇത്തരം ഒരു ആക്രമണം ഉണ്ടാകുന്നത്. 2016ൽ രാജസ്ഥാനിലെ ബിക്കാനീറിൽ ഒരു പൊതുപരിപാടിക്കിടെ അദ്ദേഹത്തിന്റെ ശരീരത്തിൽ മഷി ഒഴിച്ചിരുന്നു.

ആക്രമണത്തിന്റെ ദൃശ്യങ്ങളും പുറത്തുവന്നു. സംഭവത്തില്‍ കെജ്രിവാളിനും പ്രവര്‍ത്തകര്‍ക്കും മറ്റു പ്രശ്‌നങ്ങളൊന്നുമില്ല. ഏതുതരം ദ്രാവകമാണ് എറിയാന്‍ ശ്രമിച്ചതെന്ന് വ്യക്തമല്ല. സംഭവത്തില്‍ അന്വേഷണം നടക്കുകയാണെന്നും പ്രതിയെ ചോദ്യം ചെയ്യുകയാണെന്നും ഡല്‍ഹി പോലീസ് അറിയിച്ചു.

TAGS: NATIONAL | ARAVIND KEJRIWAL
SUMMARY: Man Throws Liquid On Arvind Kejriwal In Delhi, Detained By Security