കൊച്ചി: കാക്കനാട് ആക്രിക്കടയില് വൻ തീപിടുത്തം. ഫയർഫോഴ്സ് എത്തി തീയിണക്കാൻ ശ്രമം തുടരുകയാണ്. തീ വളരെ വേഗത്തില് വ്യാപിച്ചു. ജില്ലയുടെ വിവിധ ഭാഗങ്ങളില് നിന്ന് ഫയർഫോഴ്സ് സ്ഥലത്തേക്ക് എത്തിക്കൊണ്ടിരിക്കുകയാണ്. വെല്ഡിങ്ങിനിടെയാണ് തീപിടിത്തമുണ്ടായതെന്നാണ് വിവരം.
തീ അണക്കാനുള്ള ശ്രമങ്ങള് നടക്കുകയാണ്. ജോലിയില് ഇതരസംസ്ഥാനക്കാരനായ ജീവനക്കാരൻ ഉണ്ടായിരുന്നതായും ഇയാളെ സ്ഥലത്ത് നിന്ന് മാറ്റിയതായി നാട്ടുകാർ പറഞ്ഞു. തൃക്കാക്കരയിലെ ഫയർ യുണീറ്റുകള് സ്ഥലത്തെത്തിയിട്ടുണ്ട്. വളരെ വേഗത്തില് തീ പടർന്ന് പിടിക്കുന്നതിനാല് അതിന്റെ അടുത്തേക്ക് എത്താൻ കഴിഞ്ഞിട്ടില്ല.
വലിയ കറുത്ത പുകയാണ് സംഭവ സ്ഥലത്ത് നിന്ന് ഉയരുന്നത്. സ്ഥലത്തുണ്ടായിരുന്ന തെങ്ങുകള് ഉള്പ്പെടെ പൂർണമായി കത്തിനശിച്ചു. തീപിടുത്തത്തില് ഷെഡ്ഡിന്റെ ഒരു ഭാഗം തകർന്ന് വീണു. ഇലക്ട്രോണിക് സാധനങ്ങള് ഉള്പ്പെടെയുള്ളതിനാല് തീ വേഗം പടരുകയാണ്. സമീപത്ത് വീടുകളുണ്ട്. നാട്ടുകാർ ഉള്പ്പെടെ രക്ഷാപ്രവർത്തനത്തില് ഏർപ്പെട്ടിട്ടുണ്ട്.
TAGS : KOCHI | FIRE
SUMMARY : A huge fire broke out at Kakkanad
WhatsApp
Telegram
