ബെംഗളൂരു: ബെംഗളൂരുവിൽ വൈദ്യുത തൂൺ ദേഹത്ത് വീണ് രണ്ട് യുവതികൾ മരിച്ചു. തിങ്കളാഴ്ച രാത്രി ബൈയപ്പനഹള്ളിയിലെ സുഡുഗുണ്ടേപാളയ മെയിൻ റോഡിലാണ് സംഭവം. സുമതി (32), സോണി (35) എന്നിവരാണ് മരിച്ചത്. അറ്റകുറ്റപ്പണികൾ നടന്നുകൊണ്ടിരിക്കുന്ന റോഡിലൂടെ കടന്നുപോകുകയായിരുന്ന ഇരുവരുടെയും ദേഹത്തേക്ക് വൈദ്യുത തൂൺ വീഴുകയായിരുന്നു.
നിർമാണ ജോലിയിൽ ഏർപ്പെട്ടിരുന്ന മണ്ണുമാന്തി യന്ത്രം വൈദ്യുത തൂണിൽ ഇടിച്ചതാണ് അപകടത്തിനു കാരണമെന്ന് പോലീസ് പറഞ്ഞു. അപകടത്തിൽ ഇരുവരുടെയും തലയ്ക്ക് ഗുരുതരമായി പരുക്കേറ്റു. ഇവരെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സ്ഥലത്തുണ്ടായിരുന്ന മറ്റുള്ളവർ തലനാരിഴയ്ക്കാണ് രക്ഷപ്പെട്ടത്. സംഭവത്തിൽ ബൈയ്യപ്പനഹള്ളി പോലീസ് മണ്ണുമാന്തി യന്ത്രത്തിന്റെ ഡ്രൈവറെ അറസ്റ്റ് ചെയ്തു.
TAGS: BENGALURU | ACCIDENT
SUMMARY: Two women killed in after electric pole falls on him
