കോഴിക്കോട്: ചെറുവണ്ണൂരില്‍ ആയുർവേദ ആശുപത്രിയില്‍ യുവതിക്ക് നേരെ ആസിഡ് ആക്രമണം. ബാലുശേരി സ്വദേശി പ്രബിഷയെ മുൻ ഭർത്താവാണ് ആക്രമിച്ചത്. മുഖത്തും നെഞ്ചിലും പുറത്തും ഗുരുതരമായി പൊള്ളലേറ്റു. മുൻ ഭർത്താവ് പ്രശാന്താണ് ആക്രമണം നടത്തിയതെന്നാണ് വിവരം.
ഇയാളെ മേപ്പയൂർ പോലീസ് കസ്റ്റഡിയിലെടുത്തു. ആയുർവേദ ആശുപത്രിയില്‍ ചികിത്സയില്‍ കഴിയുകയായിരുന്നു യുവതി. ഒരു കാര്യം പറയാനുണ്ടെന്ന് പറഞ്ഞ് പുറത്തേക്ക് വിളിച്ചിറക്കുകയായിരുന്നു പ്രശാന്ത്. ഇതിന് പിന്നാലെ കയ്യിലെ ഫ്ലാസ്കില്‍ കരുതിയിരുന്ന ആസിഡ് യുവതിയുടെ ദേഹത്തേക്ക് ഒഴിക്കുകയായിരുന്നു.
പൊള്ളലേറ്റ് ചികിത്സയില്‍ കഴിയുന്ന പ്രബിഷയുടെ ആരോഗ്യനില അതീവ ഗുരുതരമാണ്. പ്രശാന്തുമായുള്ള വൈവാഹിക ജീവിതം നേരത്തെ അവസാനിപ്പിച്ചതായിരുന്നു യുവതി. മൂന്ന് വർഷം മുമ്പായിരുന്നു വിവാഹമോചനം. പ്രശാന്തിന്റെ പെട്ടെന്നുള്ള പ്രകോപനത്തിനുള്ള കാരണം വ്യക്തമല്ല.
TAGS : CRIME
SUMMARY : Woman attacked with acid by ex-husband
