ബെംഗളൂരു: എം ചിന്നസ്വാമി സ്റ്റേഡിയത്തിൽ ഐപിഎൽ മത്സരങ്ങൾ നടക്കുന്നതിനാൽ നമ്മ മെട്രോയുടെ പ്രവർത്തന സമയം ദീർഘിപ്പിച്ചു. ഏപ്രിൽ 15നാണ് ചിന്നസ്വാമി സ്റ്റേഡിയത്തിൽ അടുത്ത ഐപിഎൽ മത്സരം നടക്കുന്നത്. മത്സരത്തിന് ശേഷമുള്ള യാത്രാ സൗകര്യാർത്ഥം എല്ലാ ടെർമിനലുകളിൽ നിന്നുമുള്ള അവസാന ട്രെയിനുകൾ ഏപ്രിൽ 15ന് രാത്രി 11.30 ന് പുറപ്പെടും.
സ്മാർട്ട് കാർഡില്ലാത്ത യാത്രക്കാർക്ക് എംജി റോഡ് അല്ലെങ്കിൽ കബ്ബൺ പാർക്ക് മെട്രോ സ്റ്റേഷനുകളിൽ നിന്ന് ടിക്കറ്റ് വാങ്ങാം. വില 50 രൂപയാണ്. ഉച്ചയ്ക്ക് 2 മണി മുതൽ പേപ്പർ ടിക്കറ്റുകളും ലഭ്യമാണ്. പേപ്പർ ടിക്കറ്റുകൾ ഉള്ള യാത്രക്കാർക്ക് രാത്രി 8 മണിക്ക് ശേഷം ഏത് മെട്രോ സ്റ്റേഷനിലേക്കും യാത്ര അനുവദിക്കും. വാട്ട്സ്ആപ്പ്, നമ്മ മെട്രോ ആപ്പ്, പേടിഎം വഴി ക്യുആർ എന്നിവ വഴി ടിക്കറ്റുകൾ മുൻകൂട്ടി വാങ്ങാൻ ബിഎംആർസിഎൽ നിർദ്ദേശിച്ചിട്ടുണ്ട്.
The post ഐപിഎൽ; മെട്രോ സർവീസ് സമയം ദീർഘിപ്പിച്ചു appeared first on News Bengaluru.
Powered by WPeMatico
