ബെംഗളൂരു: ഓൺസ്റ്റേജ് ജലഹള്ളിയുടെ ആഭിമുഖ്യത്തിൽ സംഘടിപ്പിക്കുന്ന ‘വയലും വയമ്പും’ പരിപാടിയിൽ പങ്കെടുക്കാൻ ബെംഗളൂരുവിലെ ഗായകർക്ക് അവസരം നല്കുന്നു. വയലാർ രാമവർമ്മയുടെയും രവീന്ദ്രൻ മാഷിന്‍റേയും ഗാനങ്ങൾ കോർത്തിണക്കിക്കൊണ്ട് സിനിമാ പിന്നണിഗാനരംഗത്ത് പ്രവർത്തിക്കുന്ന പ്രമുഖർ പങ്കെടുക്കുന്ന ലൈവ് ഓർക്കസ്ട്രയിലാണ് ഗാനങ്ങൾ അവതരിപ്പിക്കുവാന്‍ അവസരം നല്കുന്നത്.
പങ്കെടുക്കാൻ താല്‍പര്യമുള്ളവർ(18 വയസ്സിന് മുകളിൽ പ്രായമുള്ള) വയലാറിന്‍റേയും രവീന്ദ്രൻ മാഷിന്‍റേയും ഓരോ പാട്ടുകളുടെ പല്ലവിയും അനുപല്ലവിയും പാടി (1 മിനിറ്റിൽ കവിയാൻ പാടില്ല.) പേര്, ഫോൺനമ്പർ, വയസ്സ്, സ്ഥലം എന്നിവ ഉൾപ്പെടുത്തി 9886560926 (ശശീന്ദ്രവർമ്മ), 9865845653 (ഷൈജു കെ പി), 7022594990 (ഷാജി അക്കിത്തടം) എന്നീ നമ്പരുകളിൽ ഒന്നിൽ നവംബർ 15 ന് മുൻപായി അയക്കണം. തിരഞ്ഞെടുക്കുന്ന ഗായകരെ ഓഡിഷൻ റൌണ്ടിലേക്ക് തിരഞ്ഞെടുക്കുന്നതായിരിക്കും. അതിനുശേഷം മാത്രമാണ് വേദിയിൽ പാടാൻ അവസരം ലഭിക്കുകയെന്ന് സംഘാടകർ അറിയിച്ചു.
മ്യൂസിക് ഇല്ലാതെ വേണം എൻട്രികൾ അയയക്കാൻ (ശ്രുതി, തംബുരു എന്നിവ വേണമെങ്കിൽ ഉപയോഗിക്കാം. കൂടുതൽ വിവരങ്ങൾക്ക് 9886560926 (പ്രോഗ്രാം കൺവീനർ), 9496966136 (സെക്രട്ടറി), 8296849689 (പ്രസിഡൻ്റ്) എന്നീ നമ്പരുകളിൽ ബന്ധപ്പെടാവുന്നതാണ്.
SUMMARY: Opportunity for singers in Onstage Jalahalli’s ‘Vayalum Vayambum’ mega show
