മദ്യനയക്കേസില്‍ പ്രതിരോധത്തിലായ ആം ആദ്മി പാർട്ടിക്ക് വീണ്ടും കനത്ത തിരിച്ചടി. ഡല്‍ഹിയില്‍ സാമൂഹ്യ ക്ഷേമമന്ത്രി രാജ് കുമാർ ആനന്ദ് രാജിവച്ചു. പാർട്ടിക്കെതിരെ അതിരൂക്ഷ വിമർശനം ഉന്നയിച്ച്‌ പാർട്ടി അംഗത്വമടക്കമാണ് അദ്ദേഹം രാജിവച്ചത്.
അഴിമതിക്കെതിരെ പോരാടാനുള്ള ആംആദ്മി പാർട്ടിയുടെ ശക്തമായ സന്ദേശം കണ്ടാണ് താൻ അതില്‍ ചേർന്നത്. ഇന്ന് പാർട്ടി അഴിമതിയുടെ നടുവിലാണ്. അതിനാലാണ് താൻ രാജിവയ്ക്കാൻ തീരുമാനിച്ചതെന്നും രാജ് കുമാർ പറഞ്ഞു.
അതേസമയം മദ്യ നയക്കേസില്‍ ഇഡി നേരത്തെ രാജ് കുമാറിനെ ചോദ്യം ചെയ്തിരുന്നു. രാജ് കുമാറിന്‍റെ വസതിയില്‍ ഇഡി നേരത്തെ പരിശോധന നടത്തിയിരുന്നു. പാർട്ടിക്കുള്ളില്‍ ദളിത് വിരുദ്ധ നടപടികളാണെന്നും ഇനിയും പാർട്ടിയില്‍ തുടരാനാകില്ലെന്നും രാജ് കുമാർ കൂട്ടിച്ചേർത്തു.
The post ഡല്‍ഹിയില്‍ സാമൂഹ്യ ക്ഷേമമന്ത്രി രാജ് കുമാര്‍ ആനന്ദ് രാജിവച്ചു appeared first on News Bengaluru.
Powered by WPeMatico
WhatsApp
Telegram
