ബെംഗളൂരു: ബെംഗളൂരുവിൽ ഹോസ്റ്റൽ കെട്ടിടത്തിൽ നിന്ന് താഴേക്ക് വീണ് മലയാളി നഴ്സിങ്‌ വിദ്യാർഥിനി മരിച്ചു. പാലക്കാട് പുതുക്കോട് കീഴ താളിക്കോട് ഗംഗാധരന്റെ മകൾ അതുല്യ ഗംഗാധരൻ (19) ആണ് മരിച്ചത്. നഗരത്തിലെ സ്വകാര്യ നഴ്സിംഗ് കോളേജിൽ ബി.എസ്.സി. നഴ്സിംഗ് വിദ്യാർഥിനിയാണ്. ഞായറാഴ്ച രാത്രിയാണ് സംഭവം. ഗുരുതരമായി പരുക്കേറ്റ അതുല്യയെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷപ്പെടുത്താനായില്ല.
ഹോസ്റ്റലിൽ മറ്റു മൂന്നു സഹപാഠികൾക്കൊപ്പമാണ് അതുല്യയും താമസിച്ചു വന്നിരുന്നത്. നിലവിൽ മരണകാരണം വ്യക്തമല്ല. സംഭവത്തിൽ ബെംഗളൂരു പോലീസ് കേസെടുത്തു.
മൃതദേഹം പോസ്റ്റ്മോർട്ടം നടപടികൾക്ക് ശേഷം നാട്ടിലേക്ക് കൊണ്ടു പോകുമെന്ന് ബന്ധുക്കൾ അറിയിച്ചു. അമ്മ: ബിജിത. സഹോദരന്‍: അഖില്‍ (ദുബായ്).സംസ്‌കാരം ചൊവ്വാഴ്ച 9:30 ന് തിരുവില്വാമല ഐവര്‍മഠം ശ്മശാനത്തില്‍.
TAGS: BENGALURU | MALAYALI STUDENT | DEATH
SUMMARY: Malayali nursing student found dead in bengaluru hostel
WhatsApp
Telegram
