ബെംഗളൂരു: നഴ്സിങ് പഠനം പൂർത്തിയാക്കി കോളജിൽ നിന്ന് സർട്ടിഫിക്കറ്റ് വാങ്ങാനായി ബെംഗളൂരുവിലെത്തിയ വിദ്യാർഥികളെ കത്തി കാട്ടി ഭീഷണിപ്പെടുത്തി ഫോണ്‍ കവര്‍ന്നതായി പരാതി.കണ്ണൂർ ചമതച്ചാൽ സ്വദേശി സ്റ്റിവോ സ്റ്റീഫൻ, കരുവഞ്ചാൽ സ്വദേശി ജിബിൻ തോമസ് എന്നിവരുടെ ഫോണുകളാണ് കവർന്നത്.
ഇന്നലെ പുലർച്ചെ ഡയറി സർക്കിളിൽ വെച്ചാണ് സംഭവം. നാട്ടിൽ നിന്ന് ബസിറങ്ങി സുഹൃത്തിന്റെ വീട്ടിലേക്ക് നടന്നുപോകുന്നതിനിടെ സ്കൂട്ടറിലെത്തിയ അക്രമി ഇവരോട് സമയം ചോദിക്കുകയും തുടർന്ന് ജിബിന് നേരെ കത്തികാട്ടി പണം ആവശ്യപ്പെടുകയുമായിരുന്നു. എന്നാല്‍ പണമില്ലെന്ന് പറഞ്ഞതോടെ ഇരുവരുടെയും ഫോണുകള്‍ പിടിച്ചുവാങ്ങിയ ശേഷം അക്രമി കടന്നു കളയുകയായിരുന്നു. ഇവരുടെ പരാതിയില്‍ എസ്ജി പാളയ പോലീസ് അന്വേഷണം നടത്തിവരികയാണ്.
SUMMARY: Malayali nursing students’ phones stolen at knifepoint
